ភ្នំពេញ៖ ប្រជាពលរដ្ឋមានកម្រិតជីវភាពខ្វះខាត ដែលប្រកបរបរជា កម្មករ អ្នកអនាម័យ អ្នក​ជញ្ជូន​ឥវ៉ាន់ សន្តិសុខ អ្នករត់ម៉ូតូឌុប ​និងអ្នករត់ស៊ីក្លូជាដើម នៅជុំវិញផ្សារអូរឬស្សី បានបង្ហាញ​ការពេញ​ចិត្ត ​នឹងនៅតែបន្តគាំទ្រជានិច្ចចំពោះគណបក្សប្រជាជនកម្ពុជា ដែល​ជាគណបក្ស​ធ្វើឲ្យប្រទេសមានការអភិវឌ្ឍ​ជាបន្ដបន្ទាប់​ ។

ក្រុមពលរដ្ឋ បានបង្ហាញពីការមើលឃើញនូវការអភិវឌ្ឍឥតឈប់ឈរនៅក្នុងប្រទេស ដែល​សម្តេចតេជោ ​បាន​ស្រោចស្រង់​ប្រទេសជាតិមួយនេះ ​ចេញពីបាតដៃទទេ​ ពិសេសនោះ គឺ​ក្រោកចេញភ្លក់ភ្លើងសង្គ្រាម​ដែលកើតឡើងជាបន្តបន្ទាប់​ជាច្រើនជំនាន់ រហូត​បង្កបង្កើត​អោយប្រទេសបានប្រែក្លាយជាប្រទេសជាតិមួយដែលមានសុខសន្តិភាពេញលេញ​បរិបូរណ៍ និង​ជាប្រទេសដែលបន្តការបោះជំហានទៅមុខជានិច្ច ​ ។

សូមជម្រាបថា ការលើកឡើងរបស់ប្រជាពលរដ្ឋមានកម្រិតជីវភាពខ្វះខាតខាងលើ គឺថ្លែងឡើង ក្នុងគ្រាដែលពួកគាត់ទាំងអស់គ្នា ទៅចូលរួមទទួលអំណោយរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន នៅព្រឹកថ្ងៃទី២២ ខែមិថុនា ឆ្នាំ២០២២ខាងលើនេះ ។

ការចែកអំណោយរបស់សម្តេចទាំងទ្វេ ជូនដល់ពលរដ្ឋមានកម្រិតជីវភាពខ្វះខាត ១០០នាក់ ដែល​ប្រកបរបរជា កម្មករ អ្នកអនាម័យ អ្នក​ជញ្ជូន​ឥវ៉ាន់ សន្តិសុខ អ្នករត់ម៉ូតូឌុប​ និងអ្នករត់ស៊ីក្លូជាដើម នៅជុំវិញផ្សារអូរឬស្សីខាងលើនេះ ​គឺធ្វើឡើងក្រោមវត្តលោក ថេង សុថុល អភិបាលខណ្ឌ៧មករា លោកឡយ ស៊ាងអាង ប្រធានផ្សារអូរឬស្សី និងក្រុមការងារជាច្រើនរូបទៀត ៕ អត្ថបទ ៖ លីហេង