ព្រះសីហនុ៖ ប្រជាពលរដ្ឋខេត្តព្រះសីហនុ នឹងបោះឆ្នោតជូនគណបក្សប្រជាជនកម្ពុជា ដើម្បីបន្តការអភិវឌ្ឍ និងការរីកចម្រើនទៅអនាគត។

ស្របពេលការបោះឆ្នោតជ្រើសតាំងតំណាងរាស្រ្ត នីតិកាលទី៧ នៅសល់រយៈពេល១ខែទៀត ប្រជាពលរដ្ឋរស់នៅខេត្តព្រះសីហនុ បានប្រាប់BTV News ឲ្យដឹងថា ក្នុងការបោះឆ្នោតខាងមុខ ពួកគាត់នឹងប្រើប្រាស់សិទ្ធិរបស់ខ្លួន ដើម្បីចូលរួមទៅបោះឆ្នោតជ្រើសរើសអ្នកនយោបាយដែល​ខ្លួនពេញចិត្ត។

ប្រជាពលរដ្ឋ បន្តថា ការបោះឆ្នោតខាងមុខ ពួកគាត់នឹងបោះឆ្នោតជូនគណបក្សប្រជាជនកម្ពុជា ដែលមានគោលនយោបាយច្បាស់លាស់ជូនប្រជាជាតិពិតប្រាកដ​។

ប្រជាពលរដ្ឋ លើកឡើងថា ការគាំទ្របោះឆ្នោតជូនគណបក្សប្រជាជនកម្ពុជា ​ផ្អែកលើការអភិវឌ្ឍ និង​ការគិតគូរដល់ជីវភាពរស់នៅរបស់ប្រជាពលរដ្ឋគ្រប់​មជ្ឈដ្ឋាន ជាពិសេសក្នុងខេត្តព្រះសីហនុ នារយៈពេលប៉ុន្មានឆ្នាំចុងក្រោយ។

ប្រជាពលរដ្ឋ បានបង្ហាញការជឿជាក់ថា ​ពីពេលបច្ចុប្បន្នបន្តទៅអនាគត មានតែគណបក្ស​ប្រជាជនកម្ពុជា​មួយប៉ុណ្ណោះ ​ដែលអាចធានានូវសុខសន្តិភាព ​ស្ថិរភាព និងការអភិវឌ្ឍ​រីកចម្រើន​លើគ្រប់វិស័យ ​ដែលជាផលប្រយោជន៍ជូនប្រជាពលរដ្ឋ។

ការបោះឆ្នោតជ្រើសតាំងតំណាងរាស្រ្តខាងមុខ ​នឹងប្រព្រឹត្តទៅនាថ្ងៃទី២៣ ​ខែកក្កដា និង​មានប្រជាពលរដ្ឋមានឈ្នោះក្នុងបញ្ជីឈ្មោះបោះឆ្នោតចំនួនជាង ៩លាន៧សែននាក់៕ អត្ថបទ៖ ឧត្តម