បេឡារុស ៖ ប្រធានាធិបតីបេឡារុស្ស លោក Alexander Lukashenko នៅថ្ងៃអង្គារ (២៧ មិថុនា)នេះ បានថ្លែងសុន្ទរកថា​លើកដំបូងរបស់ខ្លួន បន្ទាប់ពីបានដើរតួយ៉ាងម៉ឺងម៉ាត់ក្នុងការបង្ខំក្រុមអ្នកប្រយុទ្ធស៊ីឈ្នួល Wagner ដែលបះបោរនៅ​ក្នុងប្រទេសរុស្ស៊ីឱ្យបញ្ឈប់សកម្មភាពរបស់ពួកគេលើទីក្រុងមូស្គូ។

លោក Lukashenko បាននិយាយអំពីការគំរាមកំហែងនៃការពង្រីកខ្លួន និងការបង្កហេតុរបស់ណាតូ​នៅតាមព្រំដែន​បេឡារុស្ស រួមទាំងជាមួយអ៊ុយក្រែនផងដែរ។

លោក Lukashenko បានប្រាប់បុគ្គលិកយោធា អ្នកជំនាញនយោបាយ និងអ្នកតំណាងប្រព័ន្ធផ្សព្វផ្សាយ​នៅក្នុង​វិមានប្រធានាធិបតីថា "យើងត្រូវតែខ្លាំងជាងការគំរាមកំហែងដែលមានលើទឹកដីរបស់យើង ដែលមកពីលោក​ខាងលិចម្តងទៀត" ។ លោកបានបន្ថែមថា៖ ដូចដែលអ្នកអាចមើលឃើញ ប្រវត្តិសាស្ត្រច្រំដែលរួចមកហើយ៕