ការប៉ះទង្គិចគ្នាបានផ្ទុះឡើងរវាងនគរបាល និងយុវជននៅជាយក្រុងប៉ារីសក្នុងតំបន់ Nanterre ប្រទេសបារាំង កាលពីថ្ងៃអង្គារ (២៧ មិថុនា) ខណៈដែលកំហឹងបានកើនឡើង ចំពោះ​ការ​ស្លាប់​​​របស់ក្មេងជំទង់ម្នាក់ក្នុងតំបន់នាពេលថ្មីៗនេះ ដែលត្រូវបានបាញ់ដោយនគរបាលអំឡុងពេលចំណុចភ្លើងស្តុបចរាចរណ៍។

យោងតាមការិយាល័យរដ្ឋអាជ្ញាក្នុងតំបន់បានឱ្យដឹងថា ក្មេងប្រុសវ័យ ១៧ឆ្នាំរូបនោះ ត្រូវបានបាញ់​សម្លាប់ដោយនគរបាល​បន្ទាប់ពីគេមិន​គោរពតាម​បញ្ជាឱ្យ​បញ្ឈប់រថយន្តរបស់​ខ្លួន​កាលពីព្រឹកថ្ងៃអង្គារ។

នគរបាលដែលនៅពីក្រោយការបាញ់ប្រហារនេះ ត្រូវបានស៊ើបអង្កេតពីបទមនុស្សឃាត។វីដេអូដែលបាន​ចែករំលែកនៅលើប្រព័ន្ធផ្សព្វផ្សាយសង្គម​បានបង្ហាញពីរថយន្តដែលកំពុងឆេះ ហើយនគរបាលបង្ក្រាបកុបកម្មបានប្រមូលផ្តុំគ្នានៅតាមដងផ្លូវជាច្រើនក្នុងតំបន់ Nanterre កាល​ពីល្ងាចថ្ងៃអង្គារផងដែរ៕