​បាល់ទាត់៖ ​ការប្រកួត​វគ្គ​ផ្តាច់ព្រ័ត្រ UEFA Champions League ទីបំផុត​បានប្រកាស​ទីលាន​ប្រកួត​ផ្លូវការ​ហើយ​ចេញពី​ទីក្រុង Istanbul ប្រទេស​ទួរគី​មក​ទីក្រុង Porto ប្រទេស​ព័រទុយ​ហ្កាល់​​។ ​​សមាគម​បាល់ទាត់​ទ្វីបអឺរ៉ុប UEFA បានសំរេច​ចិត្ត​ចុងក្រោយ​នៅ​ថ្ងៃ​ព្រហស្បតិ៍​ម្សិល​មិញ​ បន្ទាប់ពី​ការពិភាក្សា​ផ្លាស់​មក​ទឹកដី​អង់គ្លេស​បរាជ័យ​។

​​ក្រុម​អង់គ្លេស​ទាំងពីរ Manchester City និង Chelsea នឹងត្រូវ​ជួបគ្នា​នៅ​ថ្ងៃទី២៩ ខែឧសភា​នេះ​។ ​​រដ្ឋាភិបាល​អង់គ្លេស​ចុង​សប្តាហ៍​កន្លង​ទៅ បាន​ទទូច​អោយ​អ្នកគាំទ្រ​របស់ខ្លួនកុំ​ធ្វើដំណើរ​ទៅ​ទស្សនា​ដល់​ទឹកដី​ទួ​រ​គី​ ដោយ​ប្រទេសមួយ​នេះ​ត្រូវ​អង់គ្លេស​ចាត់ទុកជា​តំបន់​ក្រហម ​ខណៈ​កំពុង​ស្ថិតក្នុង​បិទ​ខ្ទប់​ដោយសារ​ការ​ផ្ទុះ​ឡើង ​នៃ​ការ​ឆ្លង​រាលដាល​មេរោគ Covid-19 សារជាថ្មី​។​

​​ការផ្លាស់ប្តូរ​មកកាន់​ទឹកដី Porto ក៏​មាន​ការ​ផ្លាស់ប្តូ​រកា​រ​អនុញ្ញាតឲ្យ​អ្នកគាំទ្រ​ចូល​ទស្សនា​រហូតដល់ ១២០០០នាក់​ផងដែរ បន្ទាប់ពី​គំរោង​ចាស់ UEFA អនុញ្ញាត​ត្រឹម ៨០០០នាក់​។​ ​​ដូច្នេះ​ពីរ​ឆ្នាំ​ជាប់​គ្នា​ហើយ​ដែល​ការប្រកួត​វគ្គ​ផ្តាច់ព្រ័ត្រ UEFA Champions League ត្រូវ​លើក​ពី​ទីក្រុង Istanbul ប្រទេស​ទួរគី និង​ជា​ពីរ​ឆ្នាំ​ជាប់​គ្នា​ដែរ​ដែល​ធ្វើ​នៅ​ទឹកដី​ព័រទុយហ្កាល់​៕

​អត្ថបទ​៖​នាង សុភា​វុ​ធ