ប្រជាពលរដ្ឋហ្សកដានីនៅទីក្រុង Ammanបាននាំគ្នាធ្វើបាតុកម្មដើម្បីបង្ហាញសាមគ្គីភាពជាមួយជនប៉ាឡេស្ទីននៅក្នុងទីក្រុង Jenin ក្រោយកងកម្លាំងអ៊ីស្រាអែល វាយប្រហារទៅលើទីក្រុងក្នុងតំបន់កាន់កាប់វ៉េសប៊ែងមួយនេះ ដោយប្រើប្រាស់យានដ្រូន អំឡុងប្រតិបត្តិការវាយឆ្មក់របស់ពួកគេ។

ឈរនៅជិតស្ថានទូតអ៊ីស្រាអែល ពួកគេបានអំពាវនាវឲ្យបញ្ចប់ទំនាក់ទំនងរបស់ហ្សកដានីជាមួយអ៊ីស្រាអែល ។

 គួរឲ្យដឹងថា កងកម្លាំងអ៊ីស្រាអែល បានវាយប្រហារទីក្រុង Jenin ដោយប្រើប្រាស់យានដ្រូនកាលពីថ្ងៃចន្ទ ដែលជាផ្នែកមួយនៃប្រតិបត្តិការវាយឆ្មក់ទ្រង់ទ្រាយធំបំផុតនៅតំបន់វ៉េសប៊ែង ក្នុងរយៈពេល ២០ឆ្នាំកន្លងមកនេះ ។

 មនុស្សយ៉ាងហោច ១០នាក់ ត្រូវបានសម្លាប់ក្នុងការវាយឆ្មក់នៅទីក្រុង Jenin ហើយមនុស្សជាង ១០០នាក់ផ្សេងទៀត បានរងរបួស ។

 ប្រតិបត្តិការទំហំបែបនេះ កម្រឃើញមានខ្លាំងណាស់នៅក្នុងទីក្រុងមួយនេះ ចាប់តាំងពីដំណាច់បដិវត្តន៍ពណ៌ Intifada លើកទី ២កាលពីរយៈពេល ២ទសវត្សរ៍មុន ៕