ភ្នំពេញ៖ ប្រជាពលរដ្ឋ បានបង្ហាញនូវការគាំទ្រ និងពេញចិត្តចំពោះកម្មវីធីនយោបារបស់គណបក្សប្រជាជនកម្ពុជា ក្នុងអាណត្តិទី៧នេះ ពាក់ព័ន្ធនឹងការផ្តល់ការថែទាំសុខភាព ដោយប្រើប្រាស់បណ្ណសមធម៌ និងការពង្រីកសេវាសុខភាព របស់ ប.ស.ស មានទាំងកម្មករ-និយោជិត និងសម្រាប់មន្រ្តីសាធារណៈជាដើម ។

ប្រជាពលរដ្ឋ បានប្រាប់BTV នៅថ្ងៃនេះថា កន្លងទៅ គោលនយោយបាយនេះ គាំពារសង្គម បាន ចូលរួមចំណែកលើកកម្ពស់សុខុមាលភាពប្រជាពលរដ្ឋឱ្យកាន់តែប្រសើរជាងមុន តាមរយៈការរួម​ចំណែក កាត់បន្ថយការចំណាយលើការព្យាលបាលផងដែរ ។

លោកវេជ្ជបណ្ឌិត ហុង លីគួង អនុប្រធានមន្ទីរពេទ្យបង្អែករាជធានីភ្នំពេញ ​បានលើកឡើងដែរថា បច្ចុប្បន្ន ការពិនិត្យ និងព្យាបាលអ្នកជំងឺនៅមន្ទីរពេទ្យបង្អែកនេះ ភាគច្រើនជាអ្នកប្រើប្រាស់​បណ្ណសមធម៌ និងប.ស.ស រីឯអ្នកជំងឺត្រូវបង់ថ្លៃសេវានោះ ​គឺមានតិច ។

លោកវេជ្ជបណ្ឌិត បានលើកឡើងថា ការប្រើប្រាស់បណ្ណសមធម៌ និង ប.ស.ស មានសារៈសំខាន់ ដែលជាគោលនយោបាយរបស់គណបក្សប្រជាជនកម្ពុជា ​និងជឿជាក់ថា វិស័យសុខាភិបាល ​នឹងរីក ចម្រើនបន្ថែមទៀត ​ប្រសិនបើគណបក្សប្រជាជនកម្ពុជា​ បន្តដឹកនាំរាជរដ្ឋាភិបាល នៅអាណត្តិទី៧នេះ ។

ដើម្បីទទួលបានជ័យជម្នះក្នុងការបោះឆ្នោតជ្រើសតាំងរាស្រ្ត ​នីតិកាលទី៧ គណបក្សប្រជាជន កម្ពុជា ​បានដាក់ចេញគោលនយោយសំខាន់ៗជាច្រើន ដើម្បីការពារ និងលើកស្ទួយផល​ប្រយោជន៍ប្រជាជន ដែលគោលនយោបាយទាំងនោះ ​មានជាអាទិ៍ ​ការថែរក្សា ការពារសន្តិភាព សន្តិសុខ សណ្តាប់ធ្នាប់ និង សុវត្ថិភាពសង្គម ​ដើម្បីធានាភាពសុខសាន្តរបស់ប្រជាពលរដ្ឋ និង​ការអភិវឌ្ឍប្រទេសជាតិ, ផ្តល់សេវាសាធារណៈជូនប្រជាពលរដ្ឋប្រកបដោយតម្លាភាព​ ងាយស្រួល និងជឿទុកចិត្ត, បន្តដំឡើងប្រាក់​បៀវត្សរ៍​ជូនមន្រ្តីរាជការ ​និងកងកម្លាំងប្រដាក់អាវុធ, បន្ត​អភិវឌ្ឍន៍​គ្រប់ឃុំ-សង្កាត់ ឱ្យមានផ្លូវគមនាគមន៍កាន់តែល្អ និងបន្តអនុវត្តគោលនយោបាយ​ភូមិ/ឃុំ/មានសុវត្ថិភាពជាដើម ៕អត្ថបទ៖ ទូច សោភ័ណ