ប្រជាជនប៉ាគីស្ថានបានមកប្រមូលផ្តុំគ្នានៅក្នុងទីក្រុងជាច្រើនកាលពីថ្ងៃសុក្រ ដើម្បីប្រឆាំងការដុតគម្ពីរកូរ៉ាន នៅខាងក្រៅវិហារអ៊ីស្លាមមួយកន្លែងក្នុងទីក្រុងស្តុកហូម(Stockholm)។

បុរសម្នាក់បានហែក និងដុតគម្ពីរកូរ៉ាន នៅខាងក្រៅវិហារឥស្លាមកណ្តាលទីក្រុង Stockholm កាលពីថ្ងៃទី ២៨ ខែមិថុនា បន្ទាប់ពីនគរបាលស៊ុយអែត បានអនុញ្ញាតឲ្យមានការតវ៉ាធ្វើឡើង។

បន្ទាប់ពីការដុតគម្ពីកូរ៉ាននេះ នគរបាលស៊ុយអែត បានចោទប្រកាន់បុរសរូបនេះពីបទបង្កភាពជ្រួលច្របល់ប្រឆាំង ក្រុមជនជាតិភាគតិច ឬក្រុមជាតិ។

នាយករដ្ឋមន្ត្រីប្រទេសប៉ាគីស្ថាន លោក Shehbaz Sharif បាននិយាយថា ប្រទេសប៉ាគីស្ថានធ្វើការតវ៉ានៅថ្ងៃសុក្រ ជាអ្វីដែលលោកហៅថា ថ្ងៃនៃគម្ពីកូរ៉ានដ៏ពិសិដ្ឋ។

ក្រុមបាតុករ បានទាមទារឲ្យធ្វើពហិការផលិតផលរបស់ប្រទេសស៊ុយអែត និងបណ្ដេញឯកអគ្គរដ្ឋទូត ស៊ុយអែតប្រចាំប៉ាគីស្ថានចេញ។