ភ្នំពេញ ៖ ស្ថានទូតអូស្ត្រាលីប្រចាំកម្ពុជានៅថ្ងៃទី១៤ ខែកក្កដា ឆ្នាំ២០២៣ បានផ្ញើសារសាទរដល់លោក វ៉ាន សុខវ៉ាត ដែលទទួលបានអាហារូបករណ៍អូស្ត្រាលី Australia Awards Cambodia ដើម្បីទៅបន្តការសិ ក្សានៅសាកលវិទ្យាល័យ Flinders University ក្នុងទីក្រុង Adelaide។

ប្រភពដដែលបន្តថា លោក សុខវ៉ាត នឹងជួបជុំជាមួយភរិយារបស់លោក គឺអ្នកស្រី មិន ចិន្តា ដែលជាអ្ន កទទួលបាន​អាហារូបករណ៍អូស្ត្រាលីដូចគ្នាផងដែរ។ លោក សុខវ៉ាត និង អ្នកស្រី ចិន្តា ពួកគាត់ទាំងពី រមិនអនុញ្ញាតឱ្យភាព​ពិការភ្នែកបញ្ឈប់ពួកគាត់ មិនឱ្យបន្តការសិក្សាថ្នាក់ឧត្តមសិក្សានោះឡើយ។ នេះពិតជាគួរឱ្យស្ញប់ស្ញែងខ្លាំងណាស់។

អាហារូបករណ៍អូស្ត្រាលី ត្រូវបានបើកសម្រាប់ប្រជាជនកម្ពុជាមកពីគ្រប់មជ្ឈដ្ឋាន។ យើងសូមលើកទឹកចិត្តដល់ស្ត្រី ជនមានពិការភាព ប្រជាជនមកពីតាមបណ្តាខេត្ត ជនជាតិដើមភាគតិច និងជនជាតិភាគតិច និងក្រុមដែលជួប​ការ​លំបាកខ្វះខាត សូមដាក់ពាក្យស្នើសុំអាហារូបករណ៍អូស្ត្រាលី។

ចាប់តាំងពីឆ្នាំ១៩៩៤ មក ប្រជាជនកម្ពុជាជិត ១០០០ នាក់ មានឱកាសបានទៅសិក្សានៅ​ប្រទេសអូស្ត្រាលី​តាមរយៈ​អាហារូបករណ៍អូស្ត្រាលី ហើយពួកគេបានក្លាយទៅជាអ្នកដឹកនាំក្នុងវិស័យជំនាញរប ស់ពួកគេ៕ ដោយ៖ គង់ ឌិន​