ប្រធានាធិបតីកូរ៉េខាងត្បូងលោក Yoon Suk Yeol បានជួបជាមួយសមភាគីអ៊ុយក្រែនលោក Volodymyr Zelenskiy នៅក្នុងទីក្រុងគីវ កាលពីថ្ងៃសៅរ៍ម្សិលមិញ ។ 

ដំណើរ​ទស្សនកិច្ចដ៏គួរភ្ញាក់ផ្អើលនេះ បានកើតមានឡើង ក្រោយលោក Yoon ចូលរួម​កិច្ចប្រជុំ​កំពូល​អង្គការណាតូ នៅប្រទេសលីទុយអានី និងបានបំពេញទស្សនកិច្ចទៅកាន់ប្រទេសប៉ូឡូញ ក្នុង​សប្តាហ៍នេះ ជាទីដែលលោកបានបង្ហាញសាមគ្គីភាពជាមួយអ៊ុយក្រែន និង​ស្វែងរក​វិធីគាំទ្រ​ការ​ធ្វើ​សង្រ្គាមរបស់ពួកគេ ប្រឆាំងនឹងការវាយលុករបស់រុស្ស៊ី ។ 

 លោក Yoon បានធ្វើដំណើរទៅកាន់ទីតាំងសម្លាប់រង្គាលនៅទីក្រុង Bucha ជិតទីក្រុងគីវ មុន​ពេល​ធ្វើដំណើរទៅកាន់ទីក្រុង Irpin ជាតំបន់រស់នៅរបស់អ្នកស្រុក ដែលរងការ​វាយ​ប្រហារ​ដោយ​មីស៊ីល​ទ្រង់ទ្រាយធំរបស់រុស្ស៊ី ។ 

លោក Yoon Suk Yeol បានសន្យាផងដែរ ក្នុងការផ្តល់ជំនួយមនុស្សធម៌ ១៥០លានដុល្លារ​ក្នុងឆ្នាំ​នេះ ហើយនិងសន្យាបន្តផ្តល់ការផ្គត់ផ្គង់ផ្នែកយោធា ដល់ប្រទេសអ៊ុយក្រែន ៕