ភ្លៀងមូសុងបានបង្កការបំផ្លិចបំផ្លាញពាសពេញប្រទេសប៉ាគីស្ថាននៅថ្ងៃអង្គារ (២៥ កក្កដា)នេះ បន្ទាប់ពីផ្នែកខ្លះនៃទីក្រុងពាណិជ្ជកម្ម Karachi ត្រូវបានជន់លិចកាលពីយប់មុន។ 

វីដេអូដែលបង្ហាញនៅលើទូរទស្សន៍ Geo TV ក្នុងស្រុក បានបង្ហាញពីផ្លូវនានាក្នុងប្រទេសនេះ ត្រូវបានកាត់ផ្តាច់ដោយសារទឹកដ៏ជោរជន់។

យោងតាមក្រុមអាជ្ញាធរអាកាសធាតុក្នុងតំបន់ ភ្លៀងមូសុង ទំនងជាបន្តក្នុងសប្តាហ៍នេះ ជាមួយនឹងការព្យាករណ៍ថានឹងមានភ្លៀងធ្លាក់ខ្លាំងនៅខេត្ត Balochistan ខេត្តខាងលើ Sindh និង Punjab ក្នុងរយៈពេលប៉ុន្មានថ្ងៃខាងមុខផងដែរ។

ផ្នែកធំៗនៃប្រទេសអាស៊ីខាងត្បូងមួយនេះបានលិចទឹកកាលពីឆ្នាំមុន ដោយសារភ្លៀងមូសុងដ៏ខ្លាំងក្លា និងផ្ទាំងទឹកកករលាយ ដែលជាបាតុភូតមួយទាក់ទងនឹងបម្រែបម្រួលអាកាសធាតុ ដែលបានបំផ្លាញដំណាំ និងហេដ្ឋារចនាសម្ព័ន្ធ ព្រមទាំងបានសម្លាប់មនុស្សយ៉ាងហោចណាស់ ១.៧០០នាក់ផងដែរ៕