មន្ត្រីសត្វព្រៃបាននិយាយនៅថ្ងៃព្រហស្បតិ៍នេះថា ត្រីបាឡែនក្បាលមូលជិត១០០ក្បាល បានងាប់បន្ទាប់ពីជាប់គាំងនៅលើឆ្នេរ នៅប្រទេសអូស្ត្រាលីភាគខាងលិច បន្ទាប់ពីការប៉ុនប៉ងជួយសង្គ្រោះដាច់ដោយឡែកពីគ្នាជាច្រើន។

ហ្វូងត្រីបាឡែនក្បាលមូល៩៧ក្បាល បានមកប្រមូលផ្តុំគ្នានៅទឹករាក់នៅឆ្នេរ Cheynes ចម្ងាចប្រមាណ៤០០គីឡូម៉ែត្រភាគអាគ្នេយ៍ទីក្រុង Perth កាលពីថ្ងៃអង្គារ ដោយត្រីបាឡែនជាច្រើនក្បាលបានជាប់ខ្លួននៅលើឆ្នេរខ្សាច់។

ក្រុមអ្នកស្ម័គ្រចិត្តប្រមាណ២៥០នាក់ បានចូលរួមជាមួយអ្នកជំនាញសត្វព្រៃ១០០នាក់ ដើម្បីព្យាយាមជួយសង្គ្រោះហ្វូងសត្វត្រីបាឡែនទាំងអស់កាលពីថ្ងៃពុធ។ មនុស្សរាប់សិបនាក់ក្នុងសម្លៀកបំពាក់សើម បាននៅក្នុងទឹក មួយចំនួននៅលើទូក ឬទូកក្តោង ដើម្បីរៀបចំប្រមូលហ្វូងត្រីបាឡែនដែលនៅសេសសល់ ចូលទៅក្នុងទឹកជ្រៅ។

អ្នកនាំពាក្យអង្គការសេវាឧទ្យាននិងសត្វព្រៃ បានប្រាប់សារព័ត៌មាន AFP ថា ក្រុមអ្នកស្ម័គ្រចិត្ត និងមនុស្សគ្រប់គ្នា មានបំណងកៀងពួកវាត្រឡប់ចូលទៅទឹកជ្រៅ ហើយក្រោយមកពួកវាបានឡើងមកលើឆ្នេរជាថ្មីទៀតដោយខ្លួនឯង។

ពីចំណុចនេះ បសុពេទ្យ បានវាយតម្លៃពួកវា ហើយវាត្រូវបានកំណត់លើមូលដ្ឋានស្ថានភាពដែលពួកវាបានងាប់។