ប្រទេសកូរ៉េខាងត្បូងនៅថ្ងៃព្រហស្បតិ៍នេះ បានស្នើសុំការកាត់បន្ថយពន្ធ ដើម្បីលើកទឹកចិត្តក្រុមហ៊ុននានាឲ្យផ្លាស់ប្តូរប្រតិបត្តិការត្រឡប់ទៅប្រទេសវិញ និងគាំទ្រដល់ឧស្សាហកម្មជីវឱសថ និងភាពយន្តកម្សាន្ត ដើម្បីជំរុញកំណើនក្នុងស្រុក និងកាត់បន្ថយការពឹងផ្អែកលើវិស័យផលិតកម្មបែបប្រពៃណី។

ប្រទេសដែលមានអត្រាកំណើតទាបបំផុតរបស់ពិភពលោក ក៏នឹងបង្កើនការគាំទ្រផ្នែកហិរញ្ញវត្ថុសម្រាប់អាពាហ៍ពិពាហ៍ និងការទិញផ្ទះ និងបង្កើនការឧបត្ថម្ភធនលើការថែទាំកុមារ ក្នុងចំណោមការកែប្រែច្បាប់ ពន្ធប្រចាំឆ្នាំផ្សេងទៀតដែលស្នើឡើងដោយក្រសួងហិរញ្ញវត្ថុ។

ក្រសួងបានប៉ាន់ប្រមាណថា សំណើចំនួន៣១ នឹងកាត់បន្ថយចំណូលពន្ធចំនួន ៤៧១, ៩ ពាន់លានវ៉ុន (៣៧១, ៥០ លានដុល្លារ) ក្នុងរយៈពេល៥ឆ្នាំខាងមុខ។ នោះធៀបនឹង១៣,១ ពាន់ពាន់លានវ៉ុនសម្រាប់សំណើកាលពីឆ្នាំមុន ដែលត្រូវបានអនុម័តដោយសភាជាផ្នែក ដែលគណបក្សប្រឆាំងធំ ទទួលបានសំឡេងគាំទ្រភាគច្រើន។

រដ្ឋមន្ត្រីក្រសួងហិរញ្ញវត្ថុលោក Choo Kyung-ho បានថ្លែងនៅក្នុងសន្និសីទខ្លីមួយកាលពីថ្ងៃចន្ទ សប្តាហ៍មុនការចេញផ្សាយជាផ្លូវការនៅថ្ងៃព្រហស្បតិ៍នេះថា៖«ដោយសារតែមានការកែទម្រង់ពន្ធទ្រង់ទ្រាយធំកាលពីឆ្នាំមុន រដ្ឋាភិបាល បានរៀបចំសេចក្តីស្នើច្បាប់កែប្រែច្បាប់ពន្ធ ដែលមានប្រាក់ចំណូលកើនពីការបន្ថយពន្ធតាមដែលអាចធ្វើទៅបាន»។