នៅក្នុងភូមិតូចមួយនៃតំបន់ Dura ក្នុងទីក្រុង Hebron ប្រជាជនប៉ាឡេស្ទីនជាច្រើនកំពុងជួបការលំបាកដោយសារបញ្ហាកង្វះខាតទឹក ដែលកាន់តែធ្ងន់ធ្ងរឡើងដោយសាររលកកម្ដៅដ៏ក្តៅខ្លាំងនាពេលថ្មីៗនេះ។

ភូមិនេះពឹងផ្អែកលើទឹកដែលផ្គត់ផ្គង់ដោយក្រុមហ៊ុនទឹកជាតិអ៊ីស្រាអែល Mekorot ប៉ុន្តែថ្មីៗនេះ អ្នកស្រុកបានត្អូញត្អែរអំពីបរិមាណទឹកមិនគ្រប់គ្រាន់ និងការកាត់បន្ថយការផ្គត់ផ្គង់។

ដោយប្រឈមនឹងស្ថានភាពនេះ អ្នកស្រុកតំបន់ Dura បានស្វែងរកប្រភពទឹកជំនួស ដោយការទិញធុងទឹកក្នុងតម្លៃខ្ពស់ ដោយសារតម្រូវការកើនឡើង ឬដោយការសាងសង់អណ្តូងបណ្តោះអាសន្នដែលរីងស្ងួតយ៉ាងឆាប់រហ័ស។

នាយករដ្ឋមន្ត្រីប៉ាឡេស្ទីនលោក Mohammad Shtayyeh បានកាន់កាប់ក្រុមហ៊ុនជាតិអ៊ីស្រាអែល ទទួលខុសត្រូវចំពោះការខ្វះខាតទឹក ដោយអះអាងថា ខ្លួនបានកាត់បន្ថយការផ្គត់ផ្គង់ទឹកប្រចាំថ្ងៃដល់ខេត្ត Hebron និងខេត្ត Bethlehem នៅតំបន់ West Bank ក្នុងបរិមាណប្រហែល ៦.០០០ម៉ែត្រត្រីគុណក្នុងមួយថ្ងៃ។

យោងតាមឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបានឲ្យដឹងថា អ៊ីស្រាអែលបានកាន់កាប់ធនធានទឹកទាំងអស់នៅក្នុងទឹកដីប៉ាឡេស្ទីនដែលខ្លួនកានកាប់ ក្រោមការគ្រប់គ្រងយោធារបស់ខ្លួននៅឆ្នាំ១៩៦៧ ហើយបានហាមឃាត់ប៉ាឡេស្ទីនពីការសាងសង់ទំនប់ទឹកថ្មី ឬរក្សាទំនប់ដែលមានស្រាប់ដោយគ្មានលិខិតអនុញ្ញាតផ្នែកយោធានោះទេ៕