​បាល់ទាត់៖ ​ម្ចាស់​ជ័យលាភី World Cup ២០១៤ ជាមួយ​ក្រុម​ជំរើសជាតិ​អាល្លឺម៉ង់ Semi Khedira​ បានប្រកាស​ចូលនិវត្តន៍​ពីអាជីព​កីឡាករ​ហើយ ​នៅ​ដំណាច់​រដូវ​កាល​នេះ​។ ​កីឡាករ​វ័យ ៣៤ឆ្នាំ​រូបនេះ​បានសំរេច​ចិត្ត​ចូលនិវត្តន៍​បែបនេះ​ បន្ទាប់ពី​ផ្ទេរ​ពី Juventus មកកាន់ Hertha Berlin កាលពី​បី​ខែ​មុន​បន្ទាប់ពី​ឈ្នះ​ជើងឯក Serie A ៥លើក​នៅ​អ៊ីតាលី​។​

​​ក្នុង​រយៈពេល ១៤ឆ្នាំ​នៃ​អាជីព​ជាមួយ​ក្លិប​បាល់ទាត់ Semi Khedira ​បានឈ្នះ​ពាន​សំខាន់ៗ​សរុប ១៦លើក​ដូចជា UEFA Champions League និង La Liga​ ជាមួយ Real Madrid និង Bundesliga ជាមួយ Stuttgart​។​ ​បច្ចុប្បន្ន​លេង​អោយ Hertha Berlin, Khedira ​នឹង​បង្ហាញខ្លួន​ចុងក្រោយ​ក្នុង​អាជីព​កីឡាករ​របស់ខ្លួន​ដោយ Hertha Berlin ទៅ​ទឹកដី Hoffenheim​ ថ្ងៃ​សៅរ៍​នេះ​។ ​ក្របខណ្ឌ​អាល្លឺម៉ង់ Bundesliga រកឃើញ​ជើងឯក​ ក៏ដូចជា​ក្រុម​ដែលមាន​កៅអី​នៅ UEFA Champions League និង Europa League រួចរាល់​ហើយ ខណៈ​ក្រុម​ដែល​ត្រូវ​កាត់​ចោល​ក៏​រកឃើញ​ដែរ​គឺ Schalke 04 បាត​តារាង​នៅឡើយ​ក្រុម​លេខ ១៥, ១៦ និង ១៧ មិនទាន់​ច្បាស់​ថា Armenia Bielefeld, Werder Bremen រឺ FC Koln ដោយ​ក្រុម​ណា​បាន​លេខ ១៦ នឹងមាន​ឱកាសលេង Play-Off ជាមួយ​ក្រុម​លេខ៣ នៅ​ក្របខណ្ឌ​ទី២ Bundesliga​។ ​Hertha Berlin បាន​ធានា​កៅអី​នៅ​ក្របខណ្ឌ​កំពូល​មួយ​រដូវ​កាល​ទៀត​ ក្រោយ​ស្មើ​ជាមួយ Koln សប្តាហ៍​មុន​៕

​អត្ថបទ​៖​នាង សុភា​វុ​ធ