ក្លិបបាល់ទាត់តោខៀវ Chelsea បានសម្រេចក្នុងការនាំយកខ្សែបម្រើយុវជនវ័យ ១៩ ឆ្នាំ​របស់​ក្លិប​បារាំង Rennes, Lesley Ugochukwu ជាមួយនឹងកិច្ចសន្យា ៧ ឆ្នាំ និងជម្រើសបន្តបន្ថែម ១ ឆ្នាំ​។

មិនមានការបញ្ជាក់ពីតម្លៃនៃការផ្ទេរនេះឡើយ តែសារព័ត៌មានអង់គ្លេសបានចុះផ្សាយថា Chelsea បានចំនាយប្រមាណ ២៧.៥ លានអឺរ៉ូ រឺ ៣០ លានដុល្លារអាមេរិក ដើម្បី​នាំយក​កីឡាករ​វ័យ ១៩ ឆ្នាំរូបនេះមកកាន់ Stamford Bridge។

Lesley Ugochukwu គឺជាកីឡាករក្រុមយុវជនអាយុក្រោម ១៩ ឆ្នាំបារាំង និង​តែងតែ​ជា​ជម្រើស​ដំបូង​របស់ Stade Rennes រដូវកាលមុននៅក្របខណ្ឌ Ligue1 ដែល​ជួយ​ក្រុម​ទទួល​បាន​ចំណាត់​ថ្នាក់​លេខ ៤ និងឡើងវគ្គខ្វែង UEFA Europa League។

រំលឹកថា Lesley Ugochukwu បានចូលហ្វឹកហាត់នៅ Rennes តាំងពីអាយុ ៨ ឆ្នាំ និង​ទទួល​បាន​កៅ​អី​នៅក្រុមធំនៅវ័យ ១៧ ឆ្នាំ៕ អត្ថបទ៖នាង សុភាវុធ