ក្រុមអ្នកវិទ្យាសាស្រ្តអាចដាំផ្លែឪឡឹកនៅតំបន់មួយក្នុងចំណោមតំបន់ត្រជាក់ជាងគេបំផុតនៅលើផែនដី គឺនៅវិទ្យាស្ថានស្រាវជ្រាវ Vostokស្ថិតក្នុងតំបន់អង់តាក់ទិក ។

ផ្ទះកញ្ចក់តូចមួយត្រូវបានដំឡើងនៅលើទីតាំងអគារស្ថានីយ៍ ហើយពូជផ្លែឪឡឹកត្រូវបានជ្រើសរើស ដោយផ្អែកលើសមត្ថភាពលូតលាស់របស់វា បើទោះបីជាមានសំពាធបរិយាកាសទាប និងកម្រិតអុកស៊ីហ្សែនតិចក៏ដោយ ។

ស្ថានីយ៍នេះ ដែលស្ថិតនៅប៉ូលត្រជាក់ភាគខាងត្បូងមួយនេះ រក្សាកំណត់ត្រាជាតំបន់ដែលមានសីតុណ្ហភាពត្រជាក់ជាងគេបំផុតនៅលើពិភពលោក -៨៩អង្សាសេ ។

ក្រុមអ្នកស្រាវជ្រាវមកពីវិទ្យាស្ថានស្រាវជ្រាវអាក់ទិក និងអង់តាក់ទិករុស្ស៊ី បាននិយាយប្រាប់ក្រុមអ្នកសារព័ត៌មានថា ការដាំបន្លែ ផ្លែឈើ និងដើមថ្នាំឱសថ លើកកម្ពស់ឆន្ទៈក្រុមអ្នកវិទ្យាសាស្រ្តនៅក្នុងស្ថានីយ៍ ដែលរស់នៅតែក្នុងស្ថានីយ៍ ហើយពេលខ្លះបានត្រូវពន្លឺធម្មជាតិតិចតួចប៉ុណ្ណោះ ។

លោក Andrei Teplyakov គឺជាអ្នកវិទ្យាសាស្រ្តមួយរូបនៅវិទ្យាស្ថានស្រាវជ្រាវអាក់ទិក និងអង់តាក់ទិករុស្ស៊ីនិយាយថា អ្នករាល់គ្នាចូលចិត្តមើលរុក្ខជាតិបៃតងនៅរស់ ជាជាងរុក្ខជាតិដែលគ្មានជីវិត វាលខ្សាច់ពណ៌ស.ខាងក្រៅ ហើយនិងចូលចិត្តតាមដានការវិវឌ្ឍន៍ និងការលូតលាស់របស់ផ្លែឪឡឹក៕