ឥណ្ឌា៖ ប្រទេសឥណ្ឌាកំពុងព្យាយាមបង្កើន ទីតាំងសុខាភិបាលនៅក្នុងតំបន់ជនបទ និងកុលសម្ព័ន្ធនានា ខណៈជំងឺ COVID-19 រាតត្បាតដល់តំបន់ដាច់ស្រាយាល និងទីប្រជុំជនជាច្រើន។ ការធ្វើតេស្ត និងដំណើរការចាក់វ៉ាក់សាំងបានចាប់ផ្ដើមនៅតាមភូមិឋានតូច ជាទីដែលករណីឆ្លងកំពុងហក់ឡើងនៅក្នុងរលកទី២ ដ៏មហន្តរាយនៃជំងឺរាតត្បាតសកលរបស់ប្រទេសឥណ្ឌា។
ឥណ្ឌាបានកត់ត្រាករណីឆ្លងជំងឺ COVID-19 ជាង ២៥លាននាក់ និងស្លាប់ជាង ២៨០,០០០នាក់។ លោក Balram Bhargava នាយកវិទ្យាស្ថានក្រុមប្រឹក្សា សម្រាប់ការស្រាវជ្រាវឱសថឥណ្ឌាបានប្រកាសថា ប្រទេសនេះបានបង្កើនសមត្ថភាពធ្វើតេស្តដល់ ២លាន ៥សែននាក់ក្នុងមួយថ្ងៃនៅខែនេះ ហើយនឹងមានគម្រោងបង្កើនចំនួនដល់ ៤លាន ៥សែននាក់ក្នុងមួយថ្ងៃនៅដំណាច់ខែមិថុនាខាងមុខ។ ដំណើរការធ្វើតេស្តនេះនឹងត្រូវបានភ្ជាប់ទៅ App ទូរស័ព្ទចល័តគ្រប់គ្រងដោយរដ្ឋាភិបាល ដែលនឹងផ្ដល់លទ្ធផលនៃការធ្វើតេស្តរកជំងឺ COVID-19 នៅតាមផ្ទះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
