ភ្លៀងធ្លាក់ខ្លាំងនៅទូទាំងរដ្ឋម៉ាសាឈូសេត បានឃើញរថយន្តជាច្រើនគ្រឿងលិចក្នុងទឹក ហើយអគារជាច្រើនខ្នងត្រូវបានបំផ្លាញ ខណៈឆ្នេរខាងកើត ត្រូវបានវាយបក់ដោយទឹកជំនន់រយៈពេល២ថ្ងៃជាប់ៗគ្នា។

ព្យុះកួចបានបោកបក់ទៅលើទីក្រុង Mattapoisett រដ្ឋម៉ាសាឈូសេត មានចម្ងាយបើកបររថយន្តប្រមាណ១ម៉ោងពីទីក្រុង Boston កាលពីថ្ងៃអង្គារ ខណៈរដ្ឋនេះជួបប្រទះធ្ងន់ធ្ងរពីប្រព័ន្ធអាកាសធាតុដែលកំពុងវាយបក់ឆ្លងកាត់តំបន់នេះ។

ភ្លៀងធ្លាក់ខ្លាំង បានបង្កការជន់លិចទីក្រុង New England នៅពេលថ្ងៃ បណ្តាលឲ្យមានភាពវឹកវរក្នុងការធ្វើដំណើរ ដោយជនលិចផ្លូវ និងបានបញ្ជូនក្រុមមន្ត្រីប្រញាប់ប្រញាល់ចេញការព្រមានពីទឹកជំនន់ដែលត្រូវបានណែនាំនៅក្នុងរដ្ឋជាច្រើន ហើយក្រុមសង្គ្រោះត្រូវបានដាក់ពង្រាយនៅទូទាំងផ្នែកនៃរដ្ឋ Vermont ភាគខាងលិច។ 

ទឹកភ្លៀងបានធ្លាក់ ១ថ្ងៃបន្ទាប់ពីមានព្យុះជាបន្តបន្ទាប់វាយបក់បោកនៅឆ្នេរខាងកើត បណ្តាលឲ្យមនុស្សយ៉ាងហោចណាស់២នាក់ស្លាប់ ខណៈបណ្តាលឲ្យមនុស្សជិត១លាននាក់គ្មានអគ្គិសនីប្រើប្រាស់។ 

វីដេអូដ៏ភ្ញាក់ផ្អើល បានបង្ហាញពីរបៀបដែលសន្ទុះខ្យល់ខ្លាំង រំលើងដើមឈើធំមួយដើមនៅលើផ្លូវរបស់វា ហើយសាក្សីម្នាក់បាននិយាយថា ប្រព័ន្ធនេះបានរំលំដើមឈើ៣០ដើម នៅតំបន់ក្បែរនោះ។

មន្ត្រីបានព្រមានថា ព្យុះអាចបំផ្លាញមជ្ឈមណ្ឌលប្រព្រឹត្តកម្មទឹកនៅទីក្រុង ទោះបីជាគ្មានអ្នករងរបួសឬអ្នកស្លាប់ត្រូវបានរាយការណ៍ក៏ដោយ។