ក្រុមសកម្មជន និងអាជ្ញាធរ បាននិយាយកាលពីថ្ងៃពុធថា ក្រុមអ្នកទោសនៅក្នុងពន្ធនាគារនៃប្រទេសបា    រ៉ែនកំពុងចូលរួមក្នុងកូដកម្មអត់អាហារជុំវិញលក្ខខណ្ឌ នៅទីនោះ ដែលជាសញ្ញាចុងក្រោយនៃភាពចលាចលដែលកំពុងកើនឡើង នៅក្នុងព្រះរាជាណាចក្រកោះនេះ មួយទសវត្សរ៍ បន្ទាប់ពីចលនាការបះបោរ Arab Spring។

កូដកម្មនេះ បានយកគោលដៅទៅលើមជ្ឈមណ្ឌលស្តារនីតិសម្បទាពិភាក្សា និងកែទម្រង់ ដែលជាកន្លែងផ្ទុកអ្នកទោសជាច្រើននាក់ ដែលត្រូវបានកំណត់ភិនភាគ ដោយសកម្មជនសិទ្ធិមនុស្សថា ជាអ្នកប្រឆាំង ដែលប្រឆាំងនឹងការគ្រប់គ្រងរបស់គ្រួសារអាលខាលីហ្វា (Al Khalifa)។ ក្រុមអ្នកគ្រប់គ្រងនិកាយស៊ុននីរបស់ប្រទេសនេះជាយូរមកហើយ បានប្រឈមមុខនឹងការតវ៉ាពីការរើសអើងភាគច្រើននៃនិកាយស៊ីអ៊ីតរបស់កោះនេះ។

នៅក្នុងសេចក្តីថ្លែងការណ៍មួយដែលត្រូវបានចេញផ្សាយដោយក្រុមប្រឆាំងអាល់វ៉េហ្វាក (Al-Wefaq) ក្រៅច្បាប់ ក្រុមអ្នកទោស បាននិយាយថា ពួកគេបានចាប់ផ្តើមកូដកម្មអត់អាហារលើអ្វីដែលវាពិពណ៌នាថា ជាមន្ត្រីពន្ធនាគាររារាំងអ្នកទោសមិនឲ្យថ្វាយបង្គំ និងបិទទ្វាររយៈពេល ២៣ម៉ោងជារៀងរាល់ថ្ងៃ។ វាក៏បានចោទប្រកាន់ក្រុមមន្ត្រីពន្ធនាគារដាក់អ្នកទោសឲ្យនៅដាច់ដោយឡែកតាមអំពើចិត្ត រំខានដល់ការទៅសួរសុខទុក្ខពីគ្រួសារ និងផ្តល់ការថែទាំសុខភាពមិនគ្រប់គ្រាន់ដល់អ្នកដែលជាប់ឃុំ។

សេចក្តីថ្លែងការណ៍របស់អ្នកទោសនោះ បានឲ្យដឹងថា៖«ការទាមទាររបស់យើង មិនមែនជារឿងលេងសើចទេ ប៉ុន្តែចាំបាច់ណាស់ និងត្រូវការបំផុតសម្រាប់ជីវិតមនុស្ស សូម្បីស្ថិតនៅកម្រិតទាបបំផុតដែលគេស្គាល់ក្នុងប្រវត្តិសាស្រ្តរបស់មនុស្សជាតិ»ក៏ដោយ។