អ៊ីស្រាអែល៖ បទឈប់បាញ់រវាងអ៊ីស្រាអែល និងក្រុមហាម៉ាស់ស្ថិតនៅជាធរមានឈានចូលដល់ថ្ងៃទី៣ កាលពីថ្ងៃអាទិត្យ ខណៈក្រុមអ្នកសម្របសម្រួលបានបញ្ជាក់ថា ភាគីទាំងអស់គ្រោងនឹងបន្ថែមពេលវេលានៃភាពស្ងប់ស្ងាត់ បន្ទាប់ពីការវាយប្រយុទ្ធគ្នាដ៏ខ្លាំងក្លារយៈពេលជាច្រើនឆ្នាំមកនេះ។
ក្រុមអ្នកចរចាអេហ្ស៊ីបបានបិទព្រំដែនរវាងអ៊ីស្រាអែល និងតំបន់ហ្គាហ្សាដែលត្រូវបានគ្រប់គ្រងដោយក្រុមសកម្មប្រយុទ្ធហាម៉ាស់ ដើម្បីរក្សាស្ថិរភាពបទឈប់បាញ់ និងបានជួបមេដឹកនាំ គូសត្រូវរបស់ក្រុមអ៊ីស្លាមមួយនេះផងដែរ គឺប្រធានអាជ្ញាធរប៉ាឡេស្ទីន លោក Mahmoud Abbas នៅក្នុងតំបន់ West Bank គ្រប់គ្រងដោយអ៊ីស្រាអែល។ រដ្ឋមន្ត្រីការបរទេសអេហ្ស៊ីបក៏បានជួបជាមួយ ក្រុមមន្ត្រីជាន់ខ្ពស់ហ្សកដានីផងដែរកាលពីថ្ងៃអាទិត្យ ដើម្បីពិភាក្សាបន្ធូរបន្ថយភាពតានតឹង និងស្រោចស្រង់ដំណើរការសន្តិភាពមជ្ឈិមបូព៌ា។
អ៊ីស្រាអែលបានបិទព្រំដែនតំបន់ហ្គាហ្សាចាប់តាំងពីឆ្នាំ២០០៧ ដោយនិយាយថា ចំណាត់ការនេះគឺដើម្បីរារាំងក្រុមហាម៉ាស់មិនឲ្យដឹកជញ្ជូនអាវុធចូល។ អាជ្ញាធរតំបន់ហ្គាហ្សាបាននិយាយថា អង្គការសហប្រជាជាតិបាននឹងកំពុងស្នើអ៊ីស្រាអែលឲ្យបញ្ឈប់ការបិទនេះ និងបន្តបើកជារៀងរហូតទៅ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
