សុីរ៊ុី ៖  ក្រុមប្រជាកសិករ និងក្រុមប្រជានេសាទរស់នៅទីក្រុង Tel Tamerស្ថិតភាគខាងជើង ប្រទេសស៊ីរី ធ្លាប់មើលឃើញទឹកហូរប្រៀបច្រាំងទន្លេ Khabour និងវាលស្មៅពណ៌ខៀវខ្ចីនៅជុំវិញដងទន្លេ ប៉ុន្តែសព្វថ្ងៃនេះ ពួកគេមើលឃើញមានតែស្នាមប្រេះបែកក្រហែង ត្រីងាប់ និងដីស្ងួត ជាហេតុធ្វើឲ្យពួកគេបង្ខំចិត្តផ្លាស់ទីលំនៅចេញពីទីនេះ ។ 

 លោក Walid al-Abdallahគឺជាប្រជានេសាទមួយរូប និយាយថា លោកដឹងថា ការឡើងកម្តៅផែនដី និងសីតុណ្ហភាពក្តៅជាងមុន ស្ថិតនៅក្នុងចំណោមហេតុផលដែលបណ្តាលឲ្យទឹកទន្លេរឹងបែបនេះ ។ ប្រជានេសាទ ធ្លាប់តែជួបជុំគ្នានៅទីនេះ មិនថាជនជាតិឃើដ ជនជាតិអារ៉ាប់ ឬជនជាតិអាស៊ីរីនោះទេ ។ 

 លោកបន្តថា បច្ចុប្បន្នមិត្តប្រជានេសាទទាំងអស់របស់ពួកយើង ដែលធ្លាប់រស់នៅទីនេះ បានចាកចេញទៅអស់ហើយ ។ លោកមិនបន្ទោសពួកគេនោះទេ ។  

 ដោយឡែក លោក Sabri Kaka គឺជាកសិករមួយរូប និយាយដែរថា កាលពីមុនទីនេះ ធ្លាប់ជាឋានសួគ៌ ប៉ុន្តែឥឡូវដូចអ្នកឃើញស្រាប់ហើយ វាគឹជាវាលខ្សាច់ ។ លោក Kakaដើរតាមច្រាំងទន្លេ ចង្អុរកន្លែងដែលធ្លាប់មានបន្លែ ធ្លាប់មានដើមទំពំាងបាយជូ និងដើមប៉ម ។ 

 ចំណែកឯទីក្រុង Hasaka និងតំបន់ជាច្រើនទៀតនៅភាគខាងឦសានប្រទេសស៊ីរី ធ្លាប់ជាមជ្ឈមណ្ឌលចំណីអាហារប្រចាំប្រទេសមួយនេះ ។ ទោះបីជាយ៉ាងណាក៏ដោយ សង្រ្គាមរយៈពេល ១ទសវត្សរ៍ និងគ្រោះរាំងស្ងួតកាលពីពេលថ្មីៗនេះ បានធ្វើឲ្យទីនេះក្លាយជាវាលរហោស្ថាន ៕