អាមេរិក៖ រដ្ឋមន្ត្រី​ការបរទេស​សហរដ្ឋអាមេរិក លោក Antony Blinken ធ្វើដំណើរ​ទៅកាន់​មជ្ឈិមបូព៌ាដើម្បី​បញ្ជាក់​ប្រទេស​អ៊ីស្រាអែល, ប៉ា​ឡេ​ស្ទី​ន និង​តួអង្គ​ក្នុង​តំបន់​ ក្នុង​ការ​កសាង​បទ​ឈប់​បាញ់​នៅ​តំបន់​ហ្គា​ហ្សា​កាល​ពី​សប្ដាហ៍​មុន ដោយ​ដាក់​នូវ​ការងារ​ជា​មូលដ្ឋាន​សំរាប់​ការ​បន្ត​កិច្ចពិភាក្សា​សន្តិភាព ដែល​ជាប់​គាំង​រយៈពេល​ជា​យូរ​។

​ប្រធានាធិបតីសហរដ្ឋអាមេរិក លោក Joe Biden បាន​ប្រកាស​ថា លោក Blinken ធ្វើ​ទស្សនកិច្ច​រយៈ​ពេល​ខ្លី​ទៅកាន់​ប្រទេស​អ៊ីស្រាអែល, តំបន់ ​West Bank, ហ្សកដានី និង​​អេហ្សីប ដែល​ជា​ជំនួប​កម្រិត​ខ្ពស់​របស់​រដ្ឋបាល​ លោក Biden លើ​វិបត្តិ​ដែល​បាន​ផ្ទុះឡើង​កាល​ពី​ដើមខែ​នេះ​។ យោង​តាម​មន្ត្រី​ជាន់ខ្ពស់​ក្រសួងការបរទេស​បាន​ឲ្យ​ដឹង​ថា គោលដៅ​ចម្បងរបស់​លោក Blinken នឹង​ជា​ការ​ជំរុញ​បទ​ឈប់​បាញ់ក្នុង​ក្តី​សង្ឃឹមថា ​នឹង​មាន​ជា​ដរាប និង​ពិភាក្សា​ពី​ការ​ចូល​ជាបន្ទាន់នូវ​ជំនួយ​មនុស្ស​ធម៌​ទៅ​ក្នុង​តំបន់​ហ្គា​ហ្សា ដែល​បញ្ជាក់​ពី​តម្រូវ​ការ​សំរាប់​ការ​បញ្ចប់​អំពើ​ហិង្សាក្នុង​ទីក្រុង​ប្រទេស​អ៊ីស្រាអែល និង​ដាក់​ការងារ​ជា​មូលដ្ឋានសំរាប់​ការ​វិល​ត្រឡប់​ទៅ​រក​កិច្ចពិភាក្សា​សន្តិភាព​។ ខណៈ​ដែល​លោក Blinken នឹង​ជួប​ជាមួយ​មេដឹកនាំ​ប្រទេស​អ៊ីស្រាអែល, អាជ្ញាធរ​ប៉ា​ឡេ​ស្ទី​ន, អេហ្សីប និង​ហ្សកដានី លោក​នឹង​មិន​ជួប​ជាមួយ​​នរណា​ម្នាក់​មកពី​ចលនា​សកម្ម​ប្រយុទ្ធ​ក្រុម​ហា​ម៉ាស់ ដែល​គ្រប់​គ្រង់​តំបន់​ហ្គា​ហ្សា​ឡើយ​។

លោក Matthew Lee អ្នកនិពន្ធ​ផ្នែក​ការទូត​របស់​សារព័ត៌មាន AP និយាយ​ថា ក្រុម​ហាម៉ាស់​ត្រូវ​បាន​សហរដ្ឋអាមេរិក​ចាត់ទុកថា ​ជា​អង្គការ​ភេរវកម្ម និង​គ្មាន​ទំនាក់ទំនង​ផ្ទាល់​ណាមួយ​ឡើយ​ជាមួយ​ក្រុម​នេះ​។ រដ្ឋបាល​លោក Biden ទំនងជា​ប្រឈមមុខ​ចំពោះ​សម្ពាធ​ពី​សំណាក់​ម្ចាស់​ជំនួយ​អន្តរជាតិ ដែល​បាន​ផ្តល់​ជំនួយ​រាប់ពាន់​លាន​ដុល្លារ ចូល​ក្នុង​ការ​កសាង​ឡើង​វិញនូវ​ហេដ្ឋារចនាសម្ព័ន្ធ​តំបន់​ហ្គា​ហ្សា ដែល​ត្រូវ​បាន​បំផ្លាញ​ក្រោយ​ជម្លោះ​។ លោក Matthew Lee និយាយ​ថា យើង​ស្ថិត​ក្នុង​ដំណាក់កាល​ដំបូង ដែល​ត្រូវ​កសាង​ឡើងវិញ​នូវ​ភាព​ជឿ​ជាក់ និង​ទំនុក​ចិត្ត​លើ​ភាគី​ទាំងពីរ ហើយ​វា​ពិបាក​នឹង​ជឿ​។ លោក Blinken នឹង​ជួប​ជាមួយ​មេដឹកនាំ​ជា​ច្រើន​រូប​របស់​អាជ្ញាធរ​ប៉ា​ឡេ​ស្ទី​ន ទទួលខុសត្រូវ​ដោយ​ប្រធាន​គណបក្ស Fatah ដែល​បែង​ចែក​លោក Mahmoud Abbas​៕

អត្ថបទ៖ ប៊ុនថន