បែលហ្សិក៖ ទីក្រុង Brussels បាន​ព្រមព្រៀង​បង្កើន​ការ​ដាក់​ទណ្ឌកម្ម​ ប្រឆាំង​នឹង​ប្រទេស​បេឡា​រុស និង​បាន​ហាម​ប្រាម​ក្រុមហ៊ុន​អាកាសចរណ៍​រដ្ឋ​របស់​រដ្ឋ​មួយ​នេះ ​មិន​ឲ្យ​ប្រើប្រាស់​អាកាសយានដ្ឋាន​ស​ហ​ភាព​អឺរ៉ុប បន្ទាប់ពី​ទីក្រុង​ Minsk បាន​ធ្វើ​ឲ្យ​ពិភពលោក​ភ្ញាក់ផ្អើលដោយសារ​បញ្ឈប់​ជើង​ហោះហើរ​ដឹក​ក្រុម​សកម្មជន​ ប្រឆាំង​របស់​ក្រុមហ៊ុន​អាកាសចរណ៍ Ryanair។​

​ខណៈ​នោះ​ដែរ ប្រធានាធិបតី​បេឡា​រុស ​លោក Alexander Lukashenko បាន​ចុះហត្ថលេខា​ជា​បន្ត​បន្ទាប់​លើ​ច្បាប់​នានា​ ដែល​ផ្ដល់​សិទ្ធិ​អំណាច​ដល់​ក្រុម​អាជ្ញាធរ​ឲ្យ​ផ្អាក​បណ្ដាញ​ទូរគមនា​គ​មន៍ បិទ​ប្រព័ន្ធ​ផ្សព្វផ្សាយ និង​ហាមប្រាម​ការស្ទង់មតិ​ដែល​មិន​បាន​ទទួល​ការអនុញ្ញាត។ ហើយ​​ពេលនេះ​ព្រឹត្តិការណ៍​ទាំងអស់ ក៏​ត្រូវ​តែ​សុំ​ការអនុញ្ញាត​ផង​ដែរ​។​ ​ការ​រឹតត្បិត​លើ​ប្រព័ន្ធ​ផ្សព្វផ្សាយ​សង្គម​របស់​ប្រទេស​បេឡា​រុស​មាន​ឡើង​ ខណៈ​ក្រុម​មេដឹកនាំ​សហភាព​អឺរ៉ុប​កាល​ពី​ថ្ងៃ​ចន្ទ បាន​ដាក់​គោលដៅ​លើ​សកម្មភាព​សេដ្ឋកិច្ច ដែល​ត្រូវ​គេ​រំពឹង​ថា​មាន​គោលបំណង​លើ​ក្រុមហ៊ុន​និង​អាជីវកម្ម​នានា ដោយ​ចោទប្រកាន់​ពី​ការគ្រប់គ្រង​រយៈពេល ​២៧​ឆ្នាំ​ផ្នែក​ហិរញ្ញវត្ថុ​របស់​លោក​ប្រធានាធិបតី Lukashenko​។

​នៅ​ជំនួប​ក្នុង​ទីក្រុង Brussels កាលពី​យប់​ថ្ងៃ​ចន្ទ ប្លុក​នេះ​បាន​អំពាវនាវ​ឲ្យ​ដោះលែង​សកម្មជន​លេចធ្លោ លោក Roman Protasevich និង​ដៃគូ​របស់​លោក​ជនជាតិ​រុស្ស៊ីឈ្មោះ Sofia Sapega ដែលនៅ​លើ​ជើង​ហោះហើរ​ចេញពី​ទីក្រុង Athens ទៅកាន់​ទីក្រុង Vilnius និង​បាន​ឃុំខ្លួន​នៅ​ក្នុង​ទីក្រុង Minsk កាលពី​ថ្ងៃអាទិត្យ ​បន្ទាប់ពី​ក្រុម​អាជ្ញាធរ​បាន​បង្ខំ​ឲ្យ​យន្តហោះ​នោះ​ចុះចត​៕

អត្ថបទ៖ សុខមាន