កុងហ្គោ៖ រលករញ្ជួយដ៏ខ្លាំងក្លាចេញពីភ្នំភ្លើងម៉ោន នីរ៉ាហ្គុនហ្គោ បានអង្រួនទីក្រុងហ្គូម៉ាភាគខាងកើត របស់សាធារណរដ្ឋប្រជាធិបតេយ្យកុងហ្គោកាលពីថ្ងៃអង្គារ ខណៈចំនួនអ្នកស្លាប់ដោយសារគ្រោះមហន្តរាយនេះបានកើនឡើងដល់ ៣២នាក់ និងមនុស្សរាប់ពាន់នាក់ផ្សេងទៀតត្រូវគេបារម្ភថាបាត់បង់លំនៅឋាន។
រយៈពេល ៣ថ្ងៃបន្ទាប់ពីការផ្ទុះភ្នំភ្លើង មានសកម្មភាពកម្រើកខ្លាំងបំផុតរបស់ប្រទេសនៅអាហ្វ្រិកមួយនេះ បានគំរាមកំហែងអាយុជីវិតមនុស្សជាថ្មី ការព្រួសកម្អែហូរចូលដល់តំបន់ដាច់ស្រយាលនៃទីក្រុង ដែលមានប្រជាពលរដ្ឋរស់នៅជាង ១លាន ៥នាក់ ការរញ្ជួយបានអង្រួនតំបន់នេះរៀងរាល់ ១០នាទីទៅ ១៥នាទី។ អាកាសយានដ្ឋានហ្គូម៉ាត្រូវបានបិទ ព្រមទាំងនៅក្បែរតំបន់ប៊ូកាវ៉ូដែលបានបើកឡើងវិញដោយផ្នែកកាលពីថ្ងៃចន្ទ មុនពេលបញ្ជាឲ្យបិទជាថ្មីកាលពីថ្ងៃអង្គារ។ នគរបាលនិយាយថា អគារចំនួន ៤ខ្នងក្នុងទីក្រុងហ្គូម៉ាបានបាក់រលំដោយផ្នែក រួមទាំងអគារកម្ពស់ ៣ជាន់ដែលមានបណ្ដាលឲ្យមនុស្ស ៨នាក់រងរបួសធ្ងន់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
