ស្របពេលដែលក្រុមមដឹកនាំអាហ្វ្រិក ជួបជុំគ្នាសម្រាប់កិច្ចប្រជុំកំពូលអាកាសធាតុនៅទីក្រុងណៃរ៉ូប៊ី ប្រទេសកេនយ៉ា ប្រធានាធិបតីប្រទេសម្ចាស់ផ្ទះកិច្ចប្រជុំ COP 28 មួយនេះ លោក William Ruto និយាយថា ពិភពលោកចាញ់ការប្រកួតដើម្បីសម្រេចបានគោលដៅរបស់កិច្ចព្រមព្រៀងអាកាសធាតុក្រុងប៉ារីស ហើយពិភពលោក ពិបាករក្សាសីតុណ្ហភាពនៅត្រឹម ១,៥អង្សាសេ មុនសម័យឧស្សាហកម្ម ។

ការលើកឡើងរបស់លោក Ruto បានកើតមានឡើង ស្របពេលដែលក្រុមមេដឹកនាំអាហ្វ្រិក អំពាវនាវឲ្យមានការផ្លាស់ប្តូរនូវអ្វីដែលពួកគេនិយាយថា វាគឺជាប្រព័ន្ធហិរញ្ញវត្ថុអកាសធាតុអន្តរជាតិពុំយុត្តិធម៌ ។

កាលពីថ្ងៃអង្គារ លោក Ruto បានតវ៉ាថា បណ្តាប្រទេសអាហ្វ្រិកដែលប្រទេសមួយចំនួនមានបន្ទុកបំណុលខ្ពស់ បង់ការប្រាក់ ៥ដងច្រើនដូចប្រទេសផ្តល់កម្ចីផ្សេងទៀត ។

លោកថា ស្ថាបត្យកម្ម ត្រូវបានបង្កើតឡើងតាមរបៀបដែល បើសិនជាអ្នកខ្ចីប្រាក់គេ វានឹងពិបាកឲ្យអ្នកសងប្រាក់ វិញ ។ ដូច្នេះហើយ ពួកយើងត្រូវការសន្ទនាគ្នា និងជាការសន្ទនាប្រកបដោយភាពស្មោះត្រង់បំផុត ហើយពួកយើងត្រូវតែហ៊ាននិយាយថា នេះត្រូវតែស្មោះត្រង់ទាំងអស់គ្នា ជុំវិញថាតើពួកយើងទទួលបានការផ្តល់មូលនិធិសម្បទានតាមវិធីណា?

សូមបញ្ជាក់ថា កិច្ចប្រជុំអាកាសធាតុអាហ្វ្រិក នឹងផ្តោតសំខាន់លើការចល័តការផ្តល់ហិរញ្ញប្បទានសម្រាប់ការឆ្លើយតបរបស់អាហ្វ្រិកចំពោះបម្រែបម្រួលអាកាសធាតុ ។

ស្របពេលដែលអាហ្វ្រិករងគ្រោះដោយសារផលប៉ះពាល់ធ្ងន់ធ្ងរបំផុតពីបម្រែបម្រួលអាកាសធាតុ ក្រុមអ្នកស្រាវជ្រាវ និយាយថា ទ្វីបមួយនេះទទួលបានការផ្តល់ហិរញ្ញប្បទានដែលពួកគេត្រូវការទប់ទល់នឹងអាកាសធាតុត្រឹមតែប្រហែល ១២ភាគរយប៉ុណ្ណោះ ។

គួរឲ្យដឹងថា ការវិនិយោគតម្លៃរាប់រយលានដុល្លារលើគម្រោងអភិវឌ្ឍន៍ប្រកបដោយចីរភាព ត្រូវបានប្រកាសឲ្យដឹងកាលពីថ្ងៃចន្ទ ។

កាលពីថ្ងៃអង្គារម្សិលមិញ អារ៉ាប់រួម បានសន្យាផ្តល់ប្រាក់ចំនួន ៤,៥ពាន់លានដុល្លារ ដើម្បីបង្កើតថាមពលស្អាតកម្លាំង ១៥ជីហ្គាវ៉ាត់ នៅអាហ្រ្វិកនាឆ្នាំ ២០៣០ខាងមុខនេះ ។

ដោយឡែក ប្រទេសអាល្លឺម៉ង់ បានប្រកាស់ផ្តល់ហិរញ្ញប្បទានចំនួន ៤៨២លានដុល្លារ រួមទាំងការផ្តល់មូលនិធិសម្រាប់គម្រោងអ៊ីដ្រូសែនបៃតង នៅក្នុងប្រទេសកេនយ៉ា៕