ចក្រភពអង់គ្លេសបានប្រកាសកាលពីថ្ងៃព្រហស្បតិ៍ថា ខ្លួននឹងចូលរួមកម្មវិធីស្រាវជ្រាវវិទ្យាសាស្ត្រ Horizonរបស់សហភាពអឺរ៉ុបឡើងវិញនៅក្នុងកិច្ចព្រមព្រៀងថ្មី «ពិសេស» បន្ទាប់ពីជម្លោះក្រោយ Brexit ប៉ុន្តែទីក្រុងឡុងដ៍ នឹងមិនភ្ជាប់ជាមួយគម្រោងថាមពលនុយក្លេអ៊ែរ Euratom របស់ខ្លួនទេ។

ការិយាល័យរបស់នាយករដ្ឋមន្ត្រី លោក រីស៊ី ស៊ុណាក់ (Rishi Sunak) បាននិយាយនៅក្នុងសេចក្តីថ្លែងការណ៍មួយថា មេដឹកនាំអង់គ្លេសរូបនេះ បានធានាដល់លក្ខខណ្ឌហិរញ្ញវត្ថុដែលប្រសើរឡើងនៃការចូលរួម ក្រោមលក្ខខណ្ឌនៃកិច្ចព្រមព្រៀងជាមួយEU។

លោកស៊ុណាក់ បានថ្លែងថា យើងបានធ្វើការជាមួយដៃគូសហភាពអឺរ៉ុបរបស់យើងដើម្បី ធ្វើឲ្យប្រាកដថានេះគឺជាកិច្ចព្រមព្រៀងដ៏ត្រឹមត្រូវសម្រាប់ចក្រភពអង់គ្លេស ដោយបើកឲ្យមានឱកាសស្រាវជ្រាវល្អប្រសើរឡើង ហើយក៏ជាកិច្ចព្រមព្រៀងដ៏ត្រឹមត្រូវសម្រាប់អ្នកជាប់ពន្ធអង់គ្លេសផងដែរ»។

ការិយាល័យរបស់លោកស៊ុណាក់ បាននិយាយថា ចក្រភពអង់គ្លេស ក៏នឹងចូលរួមជាមួយកម្មវិធីអង្កេតផែនដីអឺរ៉ុប«Copernicus»ផងដែរ ប៉ុន្តែបានសម្រេចចិត្តមិនយល់ស្របតាមកម្មវិធីEuratomរបស់សហភាពអឺរ៉ុបជំនួសមកវិញ ដោយជ្រើសរើសបន្តយុទ្ធសាស្រ្តថាមពលបញ្ចូលគ្នាក្នុងស្រុក។