ចំនួនមនុស្សស្លាប់ដោយសារការរញ្ជួយដីដ៏ខ្លាំងក្លា នៅក្នុងប្រទេសម៉ារ៉ុក បានកើនឡើងជាង ២ពាន់នាក់ ខណៈដែលមនុស្ស ជាង ១ពាន់នាក់ផ្សេងទៀត បានរងរបួស ។

ក្រសួង​មហាផ្ទៃម៉ារ៉ុកនិយាយថា មនុស្សជាង ១.៤០០នាក់ បានរងរបួសធ្ងន់ ហើយ​គ្រោះ​ថ្នាក់​ធ្ងន់ធ្ងរ​ជាងគេបំផុត​បានកើតឡើងនៅតាមបណ្តាខេត្តនៅភាគខាងត្បូងទីក្រុង Marrakesh។

ព្រះមហាក្សត្រមហាម៉េដ ទី ៦ បានប្រកាសការកាន់ទុក្ខថ្នាក់ជាតិរយៈពេល ៣ថ្ងៃ ហើយ​និង​បញ្ជា​ឲ្យ​មាន​ទី​ជម្រក ស្បៀងអាហារ និងជំនួយផ្សេងទៀត សម្រាប់អ្នករស់រានពីការរញ្ជួយនេះ ខណៈ​ដែល​មនុស្ស​ជាច្រើន បានចំណាយពេលយប់ទី២ នៅខាងក្រៅកណ្តាលវាល។

គួរឲ្យដឹងថា ការរញ្ជួយដីកម្រិត ៦.៨រ៉ិចទ័រ បានអង្រួនទីក្រុង Marrakesh និងទីក្រុង​ជា​ច្រើន​ទៀត​កាល​ពី​យប់ថ្ងៃសុក្រ។ នៅតាមតំបន់ភ្នំ ភូមិទាំងមូលត្រូវបានរាបដល់ដី។

កំណុំ​កណ្តាល នៃការរញ្ជួយដីស្ថិតនៅតំបន់ភ្នំ ដែលមានចម្ងាយប្រហែល ៧១គ.មភាគនិរតីទីក្រុង Marrakesh គឺជាទីក្រុងបេតិកភណ្ឌពិភពលោក និងជា​ទីក្រុង​គោល​ដៅ​ដ៏ទាក់ទាញ​ សម្រាប់​ភ្ញៀវ​ទេសចរ។

ភាពរំញ័រ បានកើតមានផងដែរនៅក្នុងរដ្ឋធានី Rabat ដែលមានចម្ងាយប្រហែល ៣៥០គ.ម ពីទីក្រុង Marrakesh ក៏ដូចចាទីក្រុង Casablanca, Agadir និងទីក្រុង Essaouira ។

ក្រសួងមហាផ្ទៃម៉ារ៉ុក បាននិយាយទៀតថា ខេត្ត Al Haouz មាន​ចំនួន​មនុស្ស​ស្លាប់​ច្រើន​ជាង​គេ​បំផុត​ បន្ទាប់មកគឺខេត្ត Taroudant ៕