ដោយដកស្រង់សម្តីពីមន្ត្រីរដ្ឋាភិបាល សារព័ត៌មានកូរ៉េខាងត្បូងជាច្រើន បានរាយការណ៍ នៅថ្ងៃចន្ទ (ទី១១ ខែកញ្ញា) នេះ ថា មេដឹកនាំកូរ៉េខាងជើង លោក គីម ជុងអ៊ុន ត្រូវបានគេរាយការណ៍ថា កំពុងធ្វើដំណើរតាមរថភ្លើងឆ្ពោះទៅកាន់ប្រទេសរុស្ស៊ី សម្រាប់ជំនួបនាពេលខាងមុខជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន។

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ទាំងរុស្ស៊ី និងកូរ៉េខាងជើង មិនបានបញ្ជាក់ជាផ្លូវការអំពីកិច្ចប្រជុំនេះទេ ប៉ុន្តែលោក ពូទីន ត្រូវបានគេរាយការណ៍ថា បានទៅដល់ទីក្រុង Vladivostok ភាគខាងកើតប្រទេសរុស្ស៊ី នៅថ្ងៃចន្ទនេះ៕