លោក Denis Pushilin គឺជាអភិបាលតំបន់ Donetsk ដែលលើកបន្តុបដោយទីក្រុងម៉ូស្គូ បានបញ្ជាក់ថា ការផ្ទុះបានកើតឡើងនៅទីស្នាក់ការកណ្តាលរដ្ឋាភិបាលក្នុងស្រុក ប៉ុន្តែគ្មានមនុស្សណាម្នាក់ ត្រូវបានសម្លាប់ ឬរងរបួសនោះទេ ។

 ទីភ្នាក់ងារព័ត៌មានរដ្ឋរុស្ស៊ី RIA រាយការណ៍កាលពីព្រឹកថ្ងៃចន្ទថា ការផ្ទុះជាបន្តបន្ទាប់ ត្រូវបានឮនៅទីស្នាក់ការកណ្តាលរបស់ក្រុមអាជ្ញាធរក្នុងតំបន់ដែលលើកបន្តុបដោយរុស្ស៊ី ស្ថិតនៅទីក្រុងរបស់តំបន់ Donetsk នៅភាគខាងកើតប្រទេសអ៊ុយក្រែន ។

 អភិបាលរូបនោះ បាននិយាយនៅក្នុងសេចក្តីថ្លែងការណ៍បង្ហោះលើបណ្តាញព័ត៌មានសង្គម Telegramថា នៅកណ្តាលតំបន់ Donetsk បានរងការវាយប្រហារពីអ៊ុយក្រែន ។

 លោកថា ដោយសារការផ្លោងគ្រាប់កាំភ្លើងធំពីអ៊ុយក្រែន អគារស៊ីវិលនៅតំបន់ Donetsk ត្រូវបានបំផ្លាញ ប៉ុន្តែគ្មាននរណាម្នាក់ ស្លាប់ ឬរងរបួសនោះទេ ដោយផ្អែកលើសេចក្តីរាយការណ៍បឋម ៕