បាត់ដំបង៖ រដ្ឋបាលខេត្តបាត់ដំបង បានប្រកាសពីការរកឃើញមនុស្ស ១១នាក់ទៀតឆ្លងមេរោគ កូវីដ-១៩ ដែលភាគច្រើនត្រូវបានរកឃើញលើពលករខ្មែរទើបវិលត្រឡប់មកពីប្រទេសថៃ។
ក្នុងសេចក្ដីប្រកាសព័ត៌មាន រដ្ឋបាលខេត្តបាត់ដំបងបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើពលករចំនួន ១១នាក់ បន្ទាប់ពីពួកគេបានវិលត្រឡប់មកពីប្រទេសថៃ ហើយ ២ករណីទៀត ត្រូវបានរកឃើញលើពលរដ្ឋ ២នាក់ធ្វើដំណើរមកពីខេត្តបន្ទាយមានជ័យ ដែលពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។
រដ្ឋបាលខេត្តនេះ ក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៥នាក់ទៀត ត្រូវបានព្យាបាលជាសះស្បើយ។
គិតត្រឹមថ្ងៃនេះ មនុស្ស ២២១នាក់ហើយ ត្រូវបានរកឃើញឆ្លងមេរោគកូវីដ-១៩នៅទូទាំងខេត្តបាត់ដំបង ក្នុងនោះអ្នកជំងឺ ២នាក់បានស្លាប់ ហើយអ្នកជំងឺ ៨៣នាក់ត្រូវបានព្យាបាលជាសះស្បើយ ខណៈអ្នកជំងឺចំនួន ១៣៤នាក់ទៀត កំពុងសម្រាកព្យាបាលបន្តនៅឡើយ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
