រដ្ឋមន្រ្តីការបរទេសបួគីណា ហ្វាសូ លោក Bassolma Bazie បាននិយាយរិះគន់ប្រឆាំងនឹងគោលនយោបាយបារាំងនៅអាហ្វ្រិក អំឡុងសុន្ទរកថារបស់លោកនៅមហាសន្និបាតអង្គការសហប្រជាជាតិ ។

 បារាំងនៅតែរក្សាទំនាក់ទំនងខ្លាំងជាមួយអតីតដែនអាណានិគមរបស់ខ្លួនមួយនេះ ហើយនិងមានទាហានឈរជើងនៅទូទាំងតំបន់អាហ្វ្រិកខាងលិច ប៉ុន្តែជម្លោះជុំវិញវត្តមានរបស់ពួកគេ បានកើនឡើង ចាប់តាំងពីរដ្ឋប្រហារយោធាជាបន្តបន្ទាប់ ។ ក្រុមអ្នករិះគន់យល់ឃើញថា វាគឺជាការជ្រៀតជ្រែក ។

 រដ្ឋាភិបាលអន្តរកាលស្វ័យតែងតាំងរបស់បួគីណា ហ្វាសូ បានបញ្ជារួចទៅហើយឲ្យមានការចាកចេញរបស់ឯកអគ្គរដ្ឋទូតបារាំង ។ មាននូវការបង្រ្កាបផងដែរលើសារព័ត៌មានបារាំង ។

 ស្មារតីប្រឆាំងនឹងបារាំង បានកើនឡើង ចាប់តាំងពីបួគីណាហ្វាសូ ធ្លាក់ក្រោមការគ្រប់គ្រងរបស់យោធាលើកដំបូងកាលពីខែមករា ឆ្នាំ ២០២២ ។ 

 បាតុកម្មជាច្រើនលើកដោយក្រុមប្រឆាំងនឹងវត្តមានយោធាបារាំង បានធ្វើឡើង មួយផ្នែកពាក់ព័ន្ធនឹងការយល់ឃើញថា បារាំងពុំបានធ្វើរឿងគ្រប់គ្រាន់នោះទេ ដើម្បីដោះស្រាយការបះបោររបស់ក្រុមជីហាដដែលរីករាលដាលក្នុងរយៈពេលប៉ុន្មានឆ្នាំចុងក្រោយនេះ ពីប្រទេសម៉ាលី ។

 លោក Bazie និយាយថា បួគីណា ហ្វាសូ នឹងធ្វើការជាមួយដៃគូដែលចង់ធ្វើការជាមួយក្នុងកាយវិការអធិបតេយ្យភាព ហើយទិញទំនិញពីអ្នកដែលពួកគេចង់ទិញ ហើយនិងការពារអ្វីដែលពួកគេចង់បាន ។ ការពិតណាស់ថា ប្រទេសដូចជារុស្ស៊ី អ៊ីរ៉ង់ ទួរគី អាស៊ែបៃហ្សង់ គុយបា នីការ៉ាហ្គ័រ កូរ៉េខាងជើង គឺជាប្រទេសដែលបួគីណា ហ្វាសូ អាចទិញ និងលក់ទំនិញរបស់ពួកគេបានដោយគ្មានអន្តរការី ដោយគ្មានអនុញ្ញាតណាមួយពីនរណាម្នាក់ ពោលគឺមិនសំខាន់ថាមានអ្វីកើតឡើងនោះទេ ៕