រថយន្តក្រុងដើរដោយថាមពលកោសិការឥន្ធនៈអ៊ីដ្រូសែនស្អាតលើកដំបូងរបស់ឥណ្ឌា ត្រូវបានដាក់ឲ្យប្រើប្រាស់នៅរដ្ឋធានីញូវដែល្លី ដើម្បីពង្រឹងការដឹកជញ្ជូនស្អាត ។

 រថយន្តក្រុងនេះ ត្រូវបានដាក់ឲ្យប្រើប្រាស់ដោយរដ្ឋមន្រ្តីប្រេងលោក Hardeep Singh Puri នៅវិមានអនុស្សាវរីយ៍សង្រ្គាមនិមិត្តរូប India Gate ។

 លោក Puri និយាយថា នេះគឺជាតួនាទីរបស់ពួកយើងសម្រាប់ជំនាន់ក្រោយដែលពួកយើងប្តូរពីម៉ាស៊ីនឥន្ធនៈហ្វូស៊ីល និងចំហេះក្នុង មកជាការដឹកជញ្ជូនស្អាតថ្មី ហើយលោកចង់និយាយប្រាប់អ្នករាល់គ្នាថា វឌ្ឍនភាពដែលលោកបានឃើញក្នុងវិស័យមួយនេះ ហើយលោកមិននិយាយទេ ដោយសារតែលោកទើបតែឡើងកាន់តំណែងជារដ្ឋមន្រ្តីប្រេង និងឧស្ម័នធម្មជាតិ ប៉ុន្តែជាវឌ្ឍនភាពដែលលោកបានមើលឃើញក្នុងពេលកាន់តំណែងរយៈពេលខ្លី គឺគ្មានអ្វីសំខាន់ជាងបដិវត្តន៍ពិតប្រាកដនោះទេ ។

 រថយន្តប្រើប្រាស់កោសិការឥន្ធនៈអ៊ីដ្រូសែន ដែលលាយអ៊ីដ្រូសែនជាមួយអុកស៊ីសែន ដើម្បីផលិតទឹក និងថាមពលផ្តល់កម្លាំងដល់អាគុយនោះ អាចបំពេញឥន្ធនៈឡើងវិញក្នុងរយៈពេលប៉ុន្មានាទីប៉ុណ្ណោះ ហើយនិងមានរយៈពេលប្រើប្រាស់បានយូរជាងរថយន្តអគ្គិសនីដើរដោយថាមពលអាគុយ ប៉ុន្តែហេដ្ឋារចនាសម្ព័ន្ធនៅខ្វះខាត ហើយវាមានប្រសិទ្ធភាពថាមពលតិចជាង ។

 កាលពីឆ្នាំមុន រដ្ឋធានីញូវដែល្លី បានអនុម័តផែនការលើកទឹកចិត្តតម្លៃ ២,១ពាន់លានដុល្លារសម្រាប់ប្រេងឥន្ធនៈ ដែលត្រូវបានបង្កើតឡើងដោយប្រើប្រាស់ថាមពលបង្កើតឡើងវិញ ហើយនិងដោយគ្មានផលិតឧស្ម័នផ្ទះកញ្ចក់ ។

 ដោយឡែក នាយករដ្ឋមន្រ្តីឥណ្ឌាលោក Narendra Modi បានកំណត់គោលដៅឲ្យផលិតអ៊ីដ្រូសែនស្អាតឲ្យបាន ៥លានតោននៅឆ្នាំ ២០៣០ខាងមុខ ៕