តើវត្ថុធាតុដូចជាធ្យូងអុសអាចនឹងក្លាយជាដំណោះស្រាយចំពោះការកំណត់ការបំភាយឧស្ម័នកាបូន និងធ្វើឲ្យគុណភាពដីល្អប្រសើរដែរឬទេ? នោះគឺជាអ្វីដែលមជ្ឈមណ្ឌលស្រាវជ្រាវមានមូលដ្ឋាននៅប្រទេសអារ៉ាប់រួម បច្ចុប្បន្នកំពុងធ្វើតេស្ត ដោយប្រើប្រាស់បច្ចេកវិទ្យាដែលផ្លាស់ប្តូរកាកសំណល់ស្អាតទៅជាវត្ថុធាតុសរីរាង្គកាបូន ដែលគេហៅថាជា “ជីវឧស្ម័ន” ។ 

 វាពាក់ព័ន្ធនឹងការដុតវត្ថុធាតុសរីរាង្គពីកាកសំណល់កសិកម្ម និងព្រៃឈើ ដូចជាដើម.លម៉ើ នៅក្នុងអុកស៊ីសែនទាប និងក្នុងបរិស្ថានសីតុណ្ហភាពខ្ពស់ ។ 

 លទ្ធផលគឺជាសារធាតុដូចជាធ្យូងអុស ដែលក្រុមអ្នកស្រាវជ្រាវមួយចំនួននិយាយថា អាចប្រើប្រាស់ដើម្បីស្តុកកាបូននៅក្នុងដី ហើយធ្វើឲ្យល្អប្រសើរគុណភាពដី ។ 

 លោកវេជ្ជបណ្ឌិត Ahmed El-Naggar គឺជាអ្នកវិទ្យាសាស្រ្តគ្រប់គ្រងដីនៅមជ្ឈមណ្ឌលកសិកម្មអន្តរជាតិសម្រាប់ជីវសាលីន(ICBA) ។ 

 លោកនិយាយថា ដំបូងវានឹងអនុញ្ញាតឲ្យអ្នកទទួលបានគុណសម្បតិ្តពីការប្រែក្លាយកាកសំណល់ទៅជាជីវឧស្ម័ន ហើយនៅក្នុងពេលតែមួយនោះ វានឹងជៀសផុតពីផលប៉ះពាល់ដ៏គ្រោះថ្នាក់របស់កាកសំណល់នេះ ហើយវានឹងបញ្ចប់ទៅជាគ្រាប់ពូជស្មៅ គឺជាប្រភពនៃការបំពុល ឬជាមូលហេតុសម្រាប់ជំងឺដី និងរុក្ខជាតិ ។ 

 លោកបន្តថា ពួកយើងបានរកឃើញបែបនេះ តាមរយៈការពិសោធន៍ពួកយើងបានធ្វើដែលជីវឧស្ម័ននឹងផ្តល់ឲ្យរុក្ខជាតិនូវសមត្ថភាពទប់ទល់នឹងភាពប្រៃ ភាពស្ងួត និងកង្វះប្រព័ន្ធធារាសាស្រ្ត ។ ពួកយើងបានរកឃើញផងដែរថា វានឹងធ្វើឲ្យល្អប្រើសើរឡើងលក្ខណៈគីមី រូបវន្ត និងជីវសាស្រ្តរបស់ដី ៕