ភ្នំពេញ៖ មន្រ្តីជាន់ខ្ពស់នៃអាកាសចរស៊ីវិល បានឱ្យដឹងថា នៅថ្ងៃទី៥ ខែតុលា ក្រុមហ៊ុន AIAI នឹងធ្វើតេស្តការហោះហើរបង្ហាញចុងក្រោយ( Final Airport Fight Demonstration) នៅអាកាសយាន្តដ្ឋានអន្តរជា តិសៀមរាបអង្គរ ក្រោមអធិបតីភាព ឯកឧត្ដម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ដើម្បីបញ្ជាក់ពីសមត្ថភាពក្នុងការគ្រប់គ្រងការប្រតិបត្តិការអាកាសយាន្តដ្ឋាននេះទាំ ងមូល មុននឹងបើកទទួលជើងហោះហើរលើកទី១ នៅថ្ងៃទី១៦ ខែតុលា និងត្រៀមដាក់ឱ្យសម្ភោធជាផ្លូវការនៅថ្ងៃទី១ ខែធ្នូ ឆ្នាំ២០២៣ ខាងមុខ។

ឯកឧត្ដម ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល បានឱ្យដឹងនៅថ្ងៃទី២៩ ខែកញ្ញា ឆ្នាំ២០២៣ថា នេះគឺជាការធ្វើតេស្តហោះហើរបង្ហាញចុងក្រោយបំផុត ដើម្បីបញ្ជាក់ពីដំ ណើរការដោយរលូននៃប្រតិបត្តិការ និងការគ្រប់គ្រងទាំងមូលនៅក្នុងអាកាសយានដ្ឋាន។ 

ឯកឧត្ដមបន្តថា នៅថ្ងៃនោះនឹងមានអ្នកដំណើរមក Check in មុនចេញដំណើរ ( Departure) ដើម្បីឡើ ងយន្តហោះ និងធ្វើដំណើរត្រឡប់មកវិញ( Arrival) ដោយឆ្លងកាត់នីតិវិធីផ្សេងៗ។ នៅអំឡុងពេលតេ ស្តនោះ គឺតេស្តទាំងឧបករណ៍-បរិក្ខារ-ប្រព័ន្ធគ្រប់គ្រង និងការផ្តល់សេវាកម្មពាក់ព័ន្ធទាំងអស់ ដើម្បីប ង្ហាញ និងធានាថា មានដំណើរការល្អដូចការរំពឹងទុកដែរឬទេ?

ឯកឧត្ដមបន្ថែមថា ក្រោយតេស្តលើកចុងក្រោយរួច អាកាសយានដ្ឋានអន្តរជាតិសៀមរាបអង្គរ នឹងដាក់ឱ្យដំណើរការជាលើកដំបូង ក្រោមអធិបតីភាពឯកឧត្ដម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខា ធិការដ្ឋានអាកាសចរស៊ីវិល ជាមួយតំណាងក្រុមហ៊ុនអង្គរអ៊ិនធើណេសិនណល អ៊ែរផត អិនវេសម៉ិន ខេមបូឌា ឯ.ក(AIAI) និងស្ថាប័នពាក់ព័ន្ធ ក្នុងដំណើរការទទួលជើងហោះហើរពាណិជ្ជកម្មទី១ ជាផ្លូវការ នៅថ្ងៃទី១៦ ខែតុលា ឆ្នាំ២០២៣។

នៅថ្ងៃទី១ ខែធ្នូ ឆ្នាំ២០២៣ អាកាសយានដ្ឋាននេះ នឹងត្រូវដាក់ស ម្ពោធជាផ្លូវការក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី ជាមួយនឹងថ្នាក់ដឹកនាំជាន់ខ្ពស់នៃភាគីចិន។

អាកាសយានដ្ឋានអន្តរជាតិសៀមរាបអង្គរថ្មីនេះ មានចំណតសម្រាប់ចតអាកាសយានចំនួន ៣៨ ចំណ ត និងអាចទទួលអ្នកដំណើរតាមផ្លូវអាកាសបានប្រាំពីរលាននាក់ក្នុងមួយឆ្នាំ និងឈានទៅទទួលអ្នកដំ ណើរបានដប់ពីរលាននាក់ក្នុងមួយឆ្នាំចាប់ពីឆ្នាំ២០៤០តទៅ។ អាកាសយានដ្ឋាននេះ អាចផ្ទុកទំនិញតាមផ្លូវអាកាសបានចំនួន ១០០០០តោនក្នុងមួយឆ្នាំ និង ២៦០០០ តោនក្នុងមួយឆ្នាំ ចាប់ពីឆ្នាំ២០៤០ តទៅ ព្រមទាំងអាចទទួលជើងហោះហើរបានពី ៦៥៨០០ ជើងក្នុងមួយឆ្នាំ ទៅ ១១២៧០០ ជើងក្នុងមួយឆ្នាំ ចាប់ពីឆ្នាំ២០៤០ តទៅ។

អាកាសយានដ្ឋានមួយនេះ បានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia) Co.,Ltd (AIAI) ក្រោមទុនវិនិយោគប្រមាណមួយពាន់មួ យរយលានដុល្លារ៕ ដោយ៖ គង់ ឌិន