ក្រុមអ្នកសារព័ត៌មានមកពីសារព័ត៌មាន BBC និង Mediazona ជាភាសារុស្ស៊ី បានរកឃើញថាចាប់តាំងពីការចាប់ផ្តើមនៃការលុកលុយពេញបន្ទុកក្នុងសង្រ្គាមនៅអ៊ុយក្រែន ទាហានរុស្ស៊ី យ៉ាងហោចណាស់ ៣៣.២៣៦ នាក់បានស្លាប់ ក្នុងនោះ ៣.៨៣៦ នាក់ត្រូវបានចល័ត។ 

ចំនួននេះ ចេញពីប្រភពនៃការស៊ើបអង្កេតដោយសារព័ត៌មា BBC និង វិទ្យុសេរីភាព Mediazona ។

ការសិក្សាដែលធ្វើឡើងដោយប្រព័ន្ធផ្សព្វផ្សាយរុស្ស៊ី គឺផ្អែកលើការចុះមរណៈភាពនៅក្នុងប្រព័ន្ធផ្សព្វផ្សាយ របាយការណ៍នៅលើបណ្តាញសង្គមពីសាច់ញាតិជនរងគ្រោះ និងអាជ្ញាធរមូលដ្ឋាន។ល។

ចាប់តាំងពីការចាប់ផ្តើមនៃការវាយបករបស់អ៊ុយក្រែនវិញ កាលពីខែកក្កដា ឆ្នាំនេះ ទាហានរុស្ស៊ី យ៉ាងហោចណាស់ ២. ៤៤៨នាក់ បានស្លាប់ រួមទាំងមន្ត្រីចំនួន២៣៤ នាក់ ក្នុងនោះមានឧត្តមសេនីយ២ នាក់ និងវរសេនីយ៍១១នាក់។

ក្រុមអ្នកស៊ើបអង្កេតបានកត់សម្គាល់ថា ពេលវេលាចុងក្រោយដែលមន្ត្រីជាន់ខ្ពស់នៃកងទ័ពរុស្ស៊ីបាន រងការខាតបង់ធ្ងន់ធ្ងរបែបនេះ គឺនៅក្នុងខែដំបូងនៃការលុកលុយចូលអ៊ុយក្រែន។    

ស្របពេលជាមួយគ្នានោះដែរ គ្រប់មនុស្សទីបីដែលបានស្លាប់នៅពេលវាយបកនឹងកងកម្លាំងប្រដាប់អាវុធអ៊ុយក្រែន ត្រូវបានចល័ត ៦៨១នាក់ ក្នុងចំណោម ២.៤៤៨ នាក់ បានស្លាប់។  សរុបមក ចាប់តាំងពីខែកុម្ភៈឆ្នាំ ២០២២ ទាហានដែលបានចល័តចំនួន ៣, ៨៦៣ នាក់បានស្លាប់នៅក្នុងសង្គ្រាមនៅអ៊ុយក្រែន។ ម្នាក់ក្នុងចំណោម៥នាក់បានរស់រានមានជីវិតនៅសមរភូមិជួរមុខក្នុងរយៈពេលតិចជាងពីរខែ ហើយ ៦០ភាគរយ បានស្លាប់នៅក្នុងរយៈពេលចាប់ពីថ្ងៃទី១ ខែមករា ឆ្នាំ ២០២៣នេះ ៕