កូរ៉េខាងជើង ៖ រដ្ឋមន្ត្រីបង្រួបបង្រួមលោក Kim Yung-ho បានព្រមានថា វដ្ដដ៏អាក្រក់របស់កូរ៉េខាងជើង ក្នុងការទទួលបានជំនួយ និងការបំពានកិច្ចព្រមព្រៀង នឹងលែងដំណើរការតទៅទៀតហើយ នៅក្រោមការគ្រប់គ្រងរបស់ ប្រធានាធិបតីបច្ចុប្បន្ន លោក Yoon Suk Yeol។

លោក គីម ជុងអ៊ុន បានធ្វើការអធិប្បាយនៅក្នុងសន្និសីទមួយ ដែលរៀបចំដោយសាខានៃក្រុមប្រឹក្សាបង្រួបបង្រួមសន្តិភាពទីក្រុងប៊ែរឡាំង កាលពីថ្ងៃអាទិត្យ (ម៉ោងក្នុងតំបន់) ដោយសង្កត់ធ្ងន់ថា ការគំរាមកំហែងនុយក្លេអ៊ែររបស់កូរ៉េខាងជើង បានបន្តអស់រយៈពេល ៣០ឆ្នាំ។

លោក បាននិយាយថា៖«នៅពេលណាដែលប្រទេសកូរ៉េខាងជើង បានគំរាមកំហែងជាមួយនឹងការបង្កហេតុផ្សេងៗ ការសន្ទនាបានកើតឡើង ហើយបន្ទាប់ពីប្រទេសនានា បានចូលរួមក្នុងកិច្ចសន្ទនានេះ និងផ្តល់ជំនួយដល់កូរ៉េខាងជើង ប្រទេសនេះ បានបញ្ចប់ដោយការផ្តាច់កិច្ចព្រមព្រៀង និងមិនធ្វើតាមការសន្យារបស់ខ្លួនទេ។

បានបន្ថែមថា៖«អាកប្បកិរិយាខុសឆ្គងបែបនេះ នឹងលែងមានតទៅទៀតហើយ ដោយសង្កត់ធ្ងន់ថារដ្ឋបាលលោក Yoon បានបញ្ជាក់យ៉ាងច្បាស់ថា ខ្លួននឹងឆ្លើយតបទៅនឹងការបង្កហេតុរបស់កូរ៉េខាងជើងដោយផ្អែកលើគោលការណ៍។

បច្ចុប្បន្ន លោក គីម ជុងអ៊ុន កំពុងធ្វើដំណើររយៈពេល៧ថ្ងៃទៅកាន់ប្រទេសអង់គ្លេស និងអាល្លឺម៉ង់។ នៅថ្ងៃអង្គារ លោកគ្រោង នឹងធ្វើទស្សនកិច្ចនៅទីក្រុងហាំប៊ឺក(Hamburg)ដើម្បីចូលរួមពិធីមួយ ដែលបង្ហាញពីការបង្រួបបង្រួមប្រទេសអាល្លឺម៉ង់ក្នុងឆ្នាំ១៩៩០ និងជួបជាមួយមន្ត្រីរដ្ឋាភិបាល ដើម្បីទទួលបានការគាំទ្រសម្រាប់គោលដៅគោលនយោបាយរបស់ទីក្រុងសេអ៊ូល ក្នុងការកសាងឧបទ្វីបកូរ៉េ ដែលបង្រួបបង្រួមឡើងវិញ។