អាល្លឺម៉ង់ ៖ រដ្ឋាភិបាលអាល្លឺម៉ង់ និងបារាំង នឹងចាប់ផ្តើមដំណើរកម្សាន្តតាមទូក និងទទូលទានអាហារនិងស្រាមួយគ្នាដើម្បី«ស្វែងយល់ពីគ្នាទៅវិញទៅមក»ក្នុងគោលបំណងជួសជុលឡើងវិញនូវទំនាក់ទំនងដែលធ្លាក់ចុះនៅកម្រិតទាបបំផុត។

«ការបង្កើតក្រុម» ដែលនឹងកើតឡើងនៅថ្ងៃចន្ទ និងថ្ងៃអង្គារសប្តាហ៍ក្រោយ នឹងឃើញគណៈរដ្ឋមន្ត្រីបារាំងទាំងមូលចេញដំណើរទៅកាន់ទីក្រុងហាំប៊ឺក (Hambur) ដែលជាការរៀបចំរបស់អធិការបតីអាល្លឺម៉ង់ លោកអូឡាហ្វ សូល។ វាកើតឡើងនៅពេលដែលសមាជិកសភាដ៏មានឥទ្ធិពលមួយរូបរបស់អាល្លឺម៉ង់ បានព្រមានថា ទំនាក់ទំនងមិនល្អរវាងប្រទេសទាំងពីរ កំពុងពន្យឺតការសម្រេចចិត្តសំខាន់ៗនៅក្នុង EU រួមទាំងកិច្ចព្រមព្រៀងលើវិស័យការពារជាតិនៅអ៊ុយក្រែន និងពាណិជ្ជកម្ម។

ក្រុមរដ្ឋមន្ត្រី នឹងចូលរួមក្នុងអ្វីដែលអាល្លឺម៉ង់ហៅថាជា «Klausur»(កន្លែងស្ងប់ស្ងាត់)ឬចេញដំណើរ ដើម្បីទៅដល់បណ្តាញដែលពាក់ព័ន្ធ មិនមែនការចរចា កិច្ចប្រជុំផ្លូវការ ឬសេចក្តីថ្លែងការណ៍ចុងក្រោយទេ។ ជំនួសមកវិញ រដ្ឋមន្ត្រីទាំងអស់ នឹងគ្រាន់តែធ្វើដំណើរកម្សាន្តតាមទូក ជជែកគ្នាលេង ជាពិសេសអំពីបញ្ញាសិប្បនិមិត្ត និង «ផឹកស៊ីជាមួយគ្នា» មុនពេលទៅមើលផ្សារលក់ត្រីមួយកន្លែង។

ភាគីទាំងពីរសង្ឃឹមថា ការជួបជុំបែបនេះ នឹងធ្វើឲ្យទំនាក់ទំនងដែលប្រេះស្រាំវិលទៅរកភាពល្អប្រសើរឡើងវិញ។