ភ្នំពេញ៖ នាព្រឹកថ្ងៃទី១០ ខែតុលា ឆ្នាំ២០២៣នេះ រដ្ឋបាលខណ្ឌច្បារអំពៅ ដោយមានការចូលរួមពីកម្លាំងអាជ្ញាធរចម្រុះ ​មានមន្ត្រីរាជការ កងកម្លាំងទាំង២ប្រភេទ ក៏ដូចជាក្រុមយុវជន ស.ស.យ.ក បានរៀបចំទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និងការវិនយោគបៃតង » ។

លោកចេង មុនីរ៉ា អភិបាលខណ្ឌច្បារអំពៅ ​បានអាននូវសារលិខិតរបស់សម្តេចមហាបវរធិបតី ហ៊ុន ម៉ាណែត ​នាយករដ្ឋមន្ត្រី នៃព្រះរាជាណាចក្រកម្ពុជា ​លើប្រធានបទ « ទេសចរណ៍ និង​ការវិនិយោគបៃតង » ដែល​សុទ្ធ សឹង​ជាអនុសាសន៍ដល់ខ្ពង់ខ្ពស់ ​និងផ្តល់នូវអត្ថន័យដ៏ជ្រាលជ្រៅ ជូនដល់ប្រជាពលរដ្ឋក្នុងប្រទេសជាតិទាំងមូល ​លើការបន្តកែប្រែមុខមាត់ប្រទេស ឈានទៅរកការ​អភិវឌ្ឍ​ផ្នែកទេសចរណ៍ជាតិ ឱ្យកាន់តែខ្លាំងក្លា​ និងកើនឡើងជាលំដាប់ ។

លោកអភិបាលខណ្ឌ បានបន្តថា ​ទិវាទេសចរណ៍ពិភពលោកនេះ គឺ​យុទ្ធនាការសំខាន់​សម្រាប់​អាជ្ញាធររដ្ឋបាលថ្នាក់​ក្រោមជាតិ ​ដែលមាន​កាតព្វកិច្ចត្រូវ​ចុះសម្អាត​បរិស្ថានអនាម័យ​ក្នុង​សង្គមឱ្យបានល្អប្រសើរ​ ប្រកប​ដោយ​សោភណ្ឌភាព ​ដើម្បីប្រែក្លាយ​មុខ​មាត់ប្រទេសជាតិ ឱ្យក្លាយ​ទៅជាទីក្រុងបៃតង ។

សូមបញ្ជាក់ថា ទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និង​ការវិនយោគបៃតង » ខាងលើនេះ ​គឺនឹងត្រូវប្រារព្ធឡើង ​នៅថ្ងៃទី២៧ ​ខែកញ្ញា ជារៀងរាល់ឆ្នាំ ផងដែរ ៕ លីហេង