នៅក្នុងកិច្ចប្រជុំតុមូលជាមួយបណ្តាមេដឹកនាំជនជាតិជ្វីហ្វ នៅសេតវិមាន កាលពីថ្ងៃពុធ សាររបស់រដ្ឋបាលលោក Biden ទៅកាន់ប្រទេសអ៊ីរ៉ង់គឺច្បាស់លាស់ថា «ឲ្យប្រុងប្រយ័ត្នចំពោះគ្រោះថ្នាក់»។
ប្រធានាធិបតីលោក Joe Biden បានពិភាក្សាពីការដាក់ពង្រាយនាវា និងយន្តហោះយោធាសហរដ្ឋអាមេរិក ទៅកាន់តែជិតប្រទេសអ៊ីស្រាអែល ខណៈជាសញ្ញាមួយច្បាស់លាស់ ទៅកាន់ទីក្រុងតេអេរ៉ង់។
សហគមន៍អន្តរជាតិព្រួយបារម្ភថាអ៊ីរ៉ង់អាចគាំទ្រចូលពាក់ព័ន្ធក្នុងជម្លោះអ៊ីស្រាអែល-ប៉ាឡេស្ទីន បន្ទាប់ពីការវាយប្រហារដ៏ឃោឃៅរបស់ក្រុមហាម៉ាស់។ ទីក្រុងវ៉ាស៊ីនតោន បានសន្យាគាំទ្រជាបន្តសម្រាប់អ៊ីស្រាអែល និងបានបញ្ជូនអ្នកការទូតជាន់ខ្ពស់របស់ខ្លួន លោក Antony Blinken ទៅកាន់តំបន់នោះ ក្នុងគោលបំណងបញ្ចៀសសង្គ្រាមនៅមជ្ឈិមបូព៌ាកាន់តែទូលំទូលាយ។
លោក Biden បាននិយាយថា លោកបានប្រាប់នាយករដ្ឋមន្ត្រី លោក Benjamin Netanyahu ថា អ៊ីស្រាអែល គួរតែធ្វើប្រតិបត្តិការតាមច្បាប់សង្គ្រាម ដាក់ចេញមួយផ្នែកពីកំហឹង និងការបរាជ័យ។
ប្រទេសអ៊ីស្រាអែល ធ្វើសកម្មភាពឆាប់រហ័សពីការវាយប្រហារពីតំបន់ហ្គាហ្សា ធ្វើឡើងដោយក្រុមសកម្មប្រយុទ្ធហាម៉ាស់ ដែលបានសម្លាប់មនុស្សជាង១.០០០នាក់ នៅអ៊ីស្រាអែលភាគខាងត្បូង កាលពីថ្ងៃសៅរ៍។ កងកម្លាំងអ៊ីស្រាអែល បានបន្តបាញ់ផ្លោងលើតំបន់ហ្គាហ្សាគ្រប់គ្រងដោយក្រុមហាម៉ាស់កាលពីថ្ងៃពុធដោយកំពុងស្វែងរកដកឬសគល់ក្រុមសកម្មប្រយុទ្ធ និងកងកម្លាំងដែលត្រូវបានដាក់ពង្រាយនៅភាគខាងជើងនៃតំបន់ហ៊ុមព័ទ្ធប៉ាឡេស្ទីនដែលមានពលរដ្ឋរស់នៅច្រើន សម្រាប់ការវាយលុកលើដីគោកដែលអាចធ្វើទៅបាន៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
