អ្នកតំណាងរាស្រ្ត លោក Steve Scalise ដែលគណបក្សសាធារណរដ្ឋរបស់សហរដ្ឋអាមេរិក បាន​តែង​តាំង​ជា​បេក្ខជនប្រធានសភាតំណាងរាស្រ្ដ បានសម្រេច​ឈប់​ប្រជែង​យក​តំណែង​ប្រធាន​សភា​​អាមេរិក កាលពីថ្ងៃព្រហស្បតិ៍ (១២ តុលា) ដោយសារគណបក្សនេះ បរាជ័យ​ក្នុង​ការ​ដោះ​ស្រា​​យការបែកបាក់របស់ខ្លួន ដែលអូសបន្លាយក្នុងវិបត្តិភាពជាអ្នកដឹកនាំនៅក្នុងសភា។

លោក Scalise ដែលជាសមាជិកសភាសាធារណរដ្ឋថ្នាក់លេខ២ បាន​ទទួល​ការ​តែងតាំ​ង​ពី​គណបក្ស​របស់ខ្លួន ដើម្បីជំនួសតំណែងអតីតប្រធានសភាអាមេរិក លោក Kevin McCarthy ដែល​ត្រូវបានបណ្តេញចេញ ប៉ុន្តែនៅតែខ្វះសម្លេងចំនួន ២១៧សម្លេង ដែលត្រូវការ សម្រាប់​ការ​បោះឆ្នោត​នៅសភាជាន់ទាប ខណៈដែលសមាជិកគណបក្សសាធារណរដ្ឋមួយចំនួន បាន​និយាយ​ថា​ពួក​គេ​នឹងមិនគាំទ្រលោកនោះទេ។

គណបក្សសាធារណរដ្ឋ គ្រប់គ្រងសភាដោយសម្លេងគាំទ្រយ៉ាងស្ដួចស្ដើង គឺមាន ២២១សម្លេង ទល់​នឹងចំនួន ២១២សម្លេងរបស់គណបក្សប្រជាធិបតេយ្យ។ អ្នកណា​ក៏​ដោយ​ដែល​សមាជិក​បក្ស​សាធារណ​រដ្ឋជ្រើសរើសបន្ទាប់ដើម្បីតែងតាំងជំនួសលោក Scalise នោះ ពួកគេអាច​មាន​លទ្ធ​​ភាព​មិន​ឲ្យមានការជំទាស់លើសពីបួនដង ពីសមាជិកបក្សរបស់ខ្លួនប៉ុណ្ណោះ ប្រសិ​ន​បើ​ពួក​គេ​ចង់​បញ្ចប់​រដ្ឋដែលគ្មានមេដឹកនាំរបស់សភា ដោយមានរយៈពេលប្រាំបួនថ្ងៃមកហើយនេះ៕