ភ្នំពេញ៖ ថែ្លងតាមរយៈបណ្ដាញសង្គមនាថ្ងៃទី១៤ ខែតុលា ឆ្នាំ២០២៣ និស្សិតកម្ពុជា ដែលកំពុងរៀន និងធ្វើក ម្មសិក្សានៅក្នុងប្រទេសអ៊ីស្រាអែល បានឱ្យដឹងថា ពួកគាត់កំពុងស្ថិតនៅក្នុងតំបន់សុវត្ថិភាពទាំងអស់ គ្នា។

ក្រៅពីឱ្យដឹងថា កំពុងស្ថិតនៅតំបន់សុវត្ថិភាព ពួកគាត់ក៏បានបង្ហាញពីការទទួលបាននូវភាពកក់ក្ដៅ និងការយកចិត្តទុកដាក់ខ្លាំងពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ថ្នាក់ដឹកនាំនានា របស់កម្ពុជា ព្រមទាំងភាគីអ៊ីស្រាអ៊ែលផងដែរ។

ក្រៅពីឱ្យថា ពួកខ្លួនកំពុងស្ថិតនៅតំបន់សុវត្ថិភាព និស្សិតទាំងនោះក៏បានអំពាវនាវដល់និស្សិតផ្សេងៗ ទៀតសូមកុំឱ្យមានការព្រួយបារម្ភចំពោះបញ្ហាសុវត្ថិភាពផ្ទាល់ខ្លួនអី ព្រោះសម្ដេចធិបតីនាយករដ្ឋមន្ត្រី និងភាគីអ៊ីស្រាអែលបានផ្ដោតការយកចិត្តទុកដាក់ខ្លាំង ចំពោះសុខសុវត្ថិភាពរបស់ពលរដ្ឋកម្ពុជា ដែល កំពុងស្ថិតនៅទីនោះ។

នៅថ្ងៃទី១៤ ខែតុលា ឆ្នាំ២០២៣ នេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានប ញ្ជាក់តាមរយៈសារសំឡេងពិសេសថា បច្ចុប្បន្នពលរដ្ឋ និងនិស្សិតកម្ពុជាចំនួន ៤៥២ នាក់ ដែលកំពុងស្ថិតនៅក្នុងប្រទេសអ៊ីស្រាអែល គឺទទួលបាននូវការការពារសុវត្ថិភាពយ៉ាងតឹងរ៉ឹងពីភាគីអ៊ីស្រាអែល។ សម្ដេចធិបតីបញ្ជាក់បន្ថែមថា ទោះបីជាពលរដ្ឋកម្ពុជាកំពុងស្ថិតនៅកន្លែងដែលមានសុវត្ថិភាពក្ដី ក៏កម្ពុជាបានរៀបចំទីកន្លែងសុវត្ថិភាពបន្ថែមទៀតសម្រាប់ពលរដ្ឋទាំងនោះជាដដែល។ ទីកន្លែងសុវត្ថិភាពនោះ ត្រូវបានរៀបចំនៅតំបន់ព្រំដែនរវាងអ៊ីស្រាអែល ជាប់នឹងប្រទេសអេហ្ស៊ីប និង ជាប់នឹងប្រទេសហ្សកដង់។

កាលពីព្រឹកថ្ងៃទី៧ ខែតុលា ឆ្នាំ២០២៣ កងកម្លាំងហាម៉ាស់ ស្ថិតនៅទឹកដីគ្រប់គ្រងដោយប៉ាឡេស្ទីន បានវាយចូលតំបន់ Gaza ដែលគ្រប់គ្រងដោយអ៊ីស្រាអែល ហើយបណ្ដាឱ្យមានអ្នកស្លាប់ប្រមាណ ១០០០ នាក់ និងអ្នករងរបួសជាច្រើនពាន់នាក់។ បន្ទាប់មក កងកម្លាំងអ៊ីស្រាអែលបានវាយបកលើកងកម្លាំងហាម៉ាស់វិញ ដែលបានបណ្ដាលឱ្យមានអ្នកស្លាប់ និងរបួសជាច្រើនពាន់នាក់ដូចគ្នា។ បច្ចុប្បន្នស្ថានភាពនៅទីនោះ នៅបន្តតានតឹងនៅឡើយ៕ ដោយ៖ គង់ ឌិន