រថយន្តប្រហែល ២០គ្រឿង ដឹកស្បៀងអាហារ ទឹក និងគ្រឿងផ្គត់ផ្គង់វេជ្ជសាស្រ្ត អាចនឹងត្រូវអនុញ្ញាតឲ្យចូលតំបន់ហ្គាហ្សា នៅរយៈពេលប៉ុន្មានថ្ងៃខាងមុខនេះ ។ 

គួរឲ្យដឹងថា អ៊ីស្រាអែល បានកាត់ផ្តាច់ចរន្តអគ្គិសនី ទឹក និងបញ្ឈប់ការចែកចាយស្បៀងអាហារ និងឱសថទៅកាន់តំបន់ហ្គាហ្សា បន្ទាប់ពីការវាយប្រហាររបស់ក្រុមជីវពលហាម៉ាស់ កាលពីថ្ងៃទី ៧ ខែតុលា ។ 

ចាប់តាំងពីពេលនោះមក ប្រជាពលរដ្ឋ ២,១លាននាក់នៅក្នុងតំបន់ហ្គាហ្សា អស់គ្រឿងផ្គត់ផ្គង់មូលដ្ឋានយ៉ាងឆាប់រហ័ស ។ 

ប៉ុន្តែអង្គការមនុស្សធម៌ បានធ្វើការព្រមានថា ការចែកចាយជំនួយ អាចនឹងត្រូវទម្លាក់ចូលទៅក្នុងមហាសមុទ្រ ។ 

លោក Shaina Low មកពីក្រុមប្រឹក្សាជនភៀសខ្លួនន័រវែស បាននិយាយប្រាប់ BBCថា អង្គការសហប្រជាជាតិ(UN)បានរាយការណ៍ថា រថយន្តដឹកជំនួយមនុស្សធម៌ប្រហែល ១០០គ្រឿង ត្រូវការដើម្បីគាំទ្រជនស៊ីវិលរាប់លាននាក់ ដែលរស់នៅតំបន់ហ្គាហ្សា ។ 

បច្ចុប្បន្ន មានរថយន្តត្រឹមតែ ២០គ្រឿងប៉ុណ្ណោះ ត្រូវបានគេជឿថា នឹងត្រូវអនុញ្ញាតឲ្យចូលតំបន់បិទច្រកមួយនេះ ។ 

ដោយឡែក លោក Philippe Lazzarini គឺជាអគ្គស្នងការទីភ្នាក់ងារការងារជួយសង្រ្គោះអង្គការសហប្រជាជាតិ(UNRWA) និយាយប្រាប់ BBCថា មុនពេលសង្រ្គាមផ្ទុះឡើង រថយន្តប្រហែល ៥០០គ្រឿង បានដឹកជំនួយចូល តំបន់ហ្គាហ្សាក្នុង ១ថ្ងៃ ៕