សង្រ្គាមអ៊ីស្រាអែលជាមួយក្រុមសកម្មប្រយុទ្ធប៉ាឡេស្ទីនហាម៉ាស បានបង្កឲ្យមានការជជែកដេញដោលគ្នាយ៉ាងខ្លាំងក្លា នៅលើប្រព័ន្ធផ្សព្វផ្សាយសង្គម ដែលត្រូវបានគ្រប់គ្រងយ៉ាងតឹងរ៉ឹងរបស់ប្រទេសចិន ដោយជំរុញឲ្យមានជម្លោះរវាងអ្នកដែលគាំទ្រសិទ្ធិរបស់អ៊ីស្រាអែលក្នុងការសងសឹក និងសំឡេងគាំទ្រប៉ាឡេស្ទីនជាច្រើន រួមទាំងការកើនឡើងនៃទស្សនៈប្រឆាំងជនជាតិជ្វីហ្វ។

មនុស្សជាច្រើននៅក្នុងប្រទេសចិន បានតាមដានយ៉ាងដិតដល់នូវការវិវឌ្ឍនៅក្នុងតំបន់មជ្ឈិមបូព៌ា និងបង្ហោះទស្សនៈរបស់ពួកគេតាមអ៊ីនធឺណិត ចាប់តាំងពីក្រុមហាម៉ាស បានវាយប្រហារអ៊ីស្រាអែល កាលពីថ្ងៃទី៧ ខែតុលា ដោយបានសម្លាប់មនុស្សជាង ១.៤០០នាក់ និងចាប់ ស៊ីវិលនិងយោធាប្រហែល ២០០ នាក់ជាចំណាប់ថ្នូរ ឥឡូវនេះ ត្រូវបានគេជឿថា ត្រូវបានឃុំខ្លួននៅក្នុងតំបន់ហ្គាហ្សា។

ជម្លោះដែលកំពុងផ្ទុះឡើង បាននាំឲ្យមានការយល់ឃើញខុសគ្នានៅលើគេហទំព័រដ៏ពេញនិយម Weibo ក្នុងវិធីដូចគ្នានឹងវាបានបែងចែកមតិនៅក្រៅប្រទេសចិនជាមួយនឹងការបង្ហោះអំពីសង្រ្គាមអ៊ីស្រាអែល និងក្រុមហាម៉ាស ដែលកំពុងធ្លាក់ចុះក្នុងបញ្ជីពេញនិយមបំផុត ដែលទាក់ទាញអ្នកមើលរាប់រយលាន។

ប៉ុន្តែខណៈពេលដែលមានការបង្ហោះជាច្រើនដែលសម្តែងការអាណិតដល់អ៊ីស្រាអែល ការរិះគន់អំពីសកម្មភាពរបស់ខ្លួន កំពុងកើនឡើង រួមជាមួយនឹងការកើនឡើងនៃទស្សនៈប្រឆាំងជនជាតិជ្វីហ្វ ដែលការរិះគន់តាមអ៊ីនធឺណិតដ៏មានឥទ្ធិពលរបស់ប្រទេសចិន បានអនុញ្ញាតឲ្យមានការផ្សព្វផផ្សាយយ៉ាងទូលំទូលាយ។