ក្រុមអ៊ីស្លាមនិយមហាម៉ាស បានដោះលែងចំណាប់ថ្នូរជនជាតិអាមេរិកពីរនាក់ ម្តាយនិងកូនស្រី ដែលត្រូវបានគេដឹងថាជាការដោះលែងចំណាប់ថ្នូរលើកដំបូង នៅក្នុងសង្រ្គាមរវាងក្រុមនេះ និងអ៊ីស្រាអែល។
អ្នកនាំពាក្យយោធាអ៊ីស្រាអែល បាននិយាយថាលោកស្រី Judith និងនាង Natalie Raanan ត្រូវបានចាប់ពង្រាត់ក្នុងអំឡុងពេលការវាយប្រហារដ៏ភ្ញាក់ផ្អើលរបស់ក្រុមហាម៉ាសលើប្រទេសអ៊ីស្រាអែល កាលពីថ្ងៃទី ៧ ខែតុលា ហើយកងកម្លាំងអ៊ីស្រាអែលបានមកទទួលពួកគេនៅព្រំដែន។
គណៈកម្មាធិការកាកបាទក្រហមអន្តរជាតិ និយាយថា ខ្លួនបានដឹកជញ្ជូនពួកគេឆ្លងកាត់តំបន់ហ្គាហ្សា។ ការវាយប្រហាររបស់ក្រុមហាម៉ាស នៅអ៊ីស្រាអែល បានបណ្តាលឲ្យមនុស្សចំនួន ១.៤០០នាក់ស្លាប់ និងមនុស្សប្រហែល ២០០ នាក់ ត្រូវបានចាប់ជាចំណាប់ថ្នូរ។
ក្រុមហាម៉ាស់ហាម៉ាស់ និយាយថា ម្តាយ និងកូនស្រី ពីរនាក់នេះ ត្រូវបានដោះលែងសម្រាប់ហេតុផលមនុស្សធម៌ និងដើម្បីបង្ហាញដល់ប្រជាជនអាមេរិក និងពិភពលោកថា ការអះអាងធ្វើឡើងដោយលោក Biden និងរដ្ឋបាលហ្វាស៊ីសនិយមរបស់លោកគឺមិនពិតនោះទេ។ ពួកគេក៏និយាយដែរថា ការដោះលែងចំណាប់ថ្នូរ ក៏កើតឡើងពីការចរចាដោយរដ្ឋាភិបាលប្រទេសកាតា។
រដ្ឋមន្ត្រីការបរទេសសហរដ្ឋអាមេរិក លោក Antony Blinken កាលពីថ្ងៃសុក្រ បានសម្តែងការធូរអារម្មណ៍ដែលថា ក្រុមហាម៉ាសបានដោះលែងចំណាប់ខ្មាំងជនជាតិអាមេរិកពីរនាក់ ប៉ុន្តែបាននិយាយថា ក្រុមសកម្មប្រយុទ្ធនៅតែឃុំខ្លួនពលរដ្ឋអាមេរិករហូតដល់ ១០ នាក់ផ្សេងទៀត ក្នុងចំណោមចំណាប់ថ្នូរប្រហែល ២០០នាក់ ដែលត្រូវបានចាប់កាលពីដើមខែនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
