អុីតាលី ៖ នាយករដ្ឋមន្រ្ដីអ៊ីតាលី លោកស្រី ជ័រជា មេឡូនី បាននិយាយ កាលពីថ្ងៃសៅរ៍ថា សហគមន៍អន្ដរជាតិ ត្រូវតែបញ្ចៀស កុំឲ្យសង្រ្គាមរវាងអ៊ីស្រាអែល និងក្រុមហាម៉ាស រីករាលដាលតទៅទៀត ហើយត្រូវតែចាប់ផ្ដើមនូវផែនទីវិថីមួយឈានឆ្ពោះទៅរកដំណោះស្រាយរដ្ឋពីរ។

លោកស្រីមេឡូនី បានធ្វើអត្ថាធិប្បាយនេះ ខណៈកំពុងនិយាយនៅក្នុងប្រទេសអេហ្ស៊ីបនៅឯជំនួបកំពូលអន្ដរជាតិក្រុងគែរដើម្បីសន្តុភាពក្នុងតំបន់មជ្ឈឹមបូព៌ា។

ជំនួបកំពូលនេះ កំពុងត្រូវបានធ្វើឡើង ខណៈអ៊ីស្រាអែល ត្រៀមវាយលុកថ្មើរជើងទៅលើតំបន់ហ្កាហ្សា បន្ទាប់ពីការវាយប្រហារបស់ក្រុមហាម៉ាស់ បានសម្លាប់ជនជាតិអ៊ីស្រាអែល១.៤០០នាក់មក៕