សៀមរាប៖ លោក ហេង សំណាង ប្រធានក្រុមយុវជនសង្គមស៊ីវិល រួមជាមួយអាជ្ញាធរមូលដ្ឋាន លោកគ្រូអ្នកគ្រូ និងសិស្សានុសិស្សបានរួមគ្នាបង្កើតកម្មវិធី ការអប់រំ និងបរិស្ថាន កាលពីថ្ងៃទី ២២ ខែតុលា ឆ្នាំ ២០២៣នេះ នៅខេត្តសៀមរាប។  

សមាគមយុវជនខ្មែរមហានគរ នៃបណ្តុំអង្ការសង្គមស៊ីវិល ដឹកនាំដោយលោក ហេង សំណាង លោក ក្អោប រ៉ន និង ចៅសង្កាត់ជ្រាវ ក្រុងសៀមរាប រួមអាជ្ញាធរមូលដ្ឋាន និងលោកគ្រូអ្នកគ្រូ បានាំយកសម្ភារៈសិក្សាចែកជូនសិស្សានុសិស្ស ចំនួន ១០០ នាក់ និងរួមគ្នាបង្កើតកម្មវិធី ការអប់រំ និងបរិស្ថានផងដែរ។ ក្នុងឱកាសនោះ យុវជន និងសិស្សានុសិស្ស បានរួមគ្នាដាំកូនឈើក្នុងបរិវេណសាលារៀន នៅសាលាមត្តេយ្យសហគមបុស្សក្រឡាញ់ ស្ថិតក្នុងភូមិបុស្សក្រឡាញ់ សង្កាត់ជ្រាវ។  

លោក ហេង សំណាង បានថ្លែងថា កម្មវិធីការចែករំលែក ក្តីស្រឡាញ់ និងស្នាមញញ្ញឹម ក្រោមប្រធានបទ ការអប់រំ និងបរិស្ថាន គឺអនុវត្តស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧នេះ។ ពិសេសគោលនោបាយរបស់ក្រសួងអប់រំ យុវជននិងកីឡា និងក្រសួងរិស្ថាន ស្តីអំពីការកាត់បន្ថយប្រើប្រាស់ថង់ប្លាស្ទិក និងដាំកូនឈើ១លានដើម ក្នុងមួយឆ្នាំង ដើម្បីប្រព័ន្ធអេកូឡូស៊ី និងធនធានធម្មជាតិប្រទេសកម្ពុជាផងដែរ។  

ក្នុងឱកាសនោះ លោក ហេង សំណាង បានផ្តាំផ្ញើរដល់អាណាព្យាបាលសិស្ស ទាំងអស់ឲ្យបន្តជួយណែរនាំដល់សិស្សានុសិស្ស ធ្វើយ៉ាងណាឲ្យកូនៗ បន្តការសិក្សា និងខិតខំរៀនសូត្របន្ថែមនៅផ្ទះដោយខ្លួនឯង ដើម្បីក្លាយជាសិស្សគំរូ យុវជន គំរូ និងមានអនាគតល្អសម្រាប់ចូលរួមអភិវឌ្ឍប្រទេសជាតិកម្ពុជា៕ ដោយ ៖ ដារា