នាយករដ្ឋមន្ត្រីជប៉ុនលោក Fumio Kishida បានធ្វើការសន្យា នៅថ្ងៃចន្ទ (ទី២៣ ខែតុលា) នេះ ក្នុងការផ្តល់សំណងដល់គ្រួសារសម្រាប់ការកើនឡើងនូវការចំណាយនៃការរស់នៅជាមួយនឹងការឧបត្ថម្ភធន និងការទូទាត់ ដោយសង្កត់ធ្ងន់លើការប្តេជ្ញាចិត្តរបស់រដ្ឋាភិបាលរបស់លោក ក្នុងការទាញសេដ្ឋកិច្ចចេញពីការជាប់គាំងជាអចិន្ត្រៃយ៍។

រយៈពេលជាង ១ឆ្នាំ អតិផរណាដែលជំរុញដោយការកើនឡើងពីចំណាយលើវត្ថុធាតុដើម បានបន្តលើសពីគោលដៅរបស់ធនាគារកណ្តាល ២ភាគរយ ដោយបានជះឥទ្ធិពលយ៉ាងធ្ងន់ធ្ងរលើការប្រើប្រាស់ និងបង្កឲ្យមានភាពមិនច្បាស់លាស់ចំពោះចក្ខុវិស័យ សម្រាប់សេដ្ឋកិច្ច ដែលត្រូវបានជឿថា នឹងងើបឡើងវិញ បើទោះជាក្នុងលឿនដ៏យឺត បន្ទាប់ពីរងគ្រោះដោយជំងឺរាតត្បាតកូវីដ-១៩។

Kishida បាននិយាយថា៖ «ដោយការកើនឡើងនៃប្រាក់ឈ្នួល ដែលបង្ហាញពីភាពយឺតយ៉ាវ ក្នុងការប៉ះប៉ូវ ចំពោះការកើនឡើងតម្លៃយ៉ាងឆាប់រហ័ស រដ្ឋាភិបាលនឹងជួយគាំទ្រដល់ផលប៉ះពាល់ ដោយការផ្ដល់ត្រឡប់ទៅវិញដល់គ្រួសារមួយចំនួននូវចំណែកនូវការកើនឡើងនៃប្រាក់ចំណូលពន្ធ ដែលបានរំពឹងទុកដោយកំណើនសេដ្ឋកិច្ចដ៏រឹងមាំ»។

លោក Kishida បាននិយាយថា នៅក្នុងកិច្ចខិតខំប្រឹងប្រែងរបស់ខ្លួន រដ្ឋាភិបាលនឹងបន្តរហូតនូវការឧបត្ថម្ភធនរហូតដល់និទាឃរដូវក្រោយ ដែលត្រូវបានអនុម័ត ដើម្បីទប់ស្កាត់ការចំណាយលើប្រេងសាំង និងឧបករណ៍ប្រើប្រាស់ ដោយបន្ថែមថា ព័ត៌មានលម្អិតនៃវិធានការផ្សេងៗទៀត នឹងត្រូវបានបញ្ចប់បន្ទាប់ពីការពិភាក្សា ដោយក្រុមពន្ធនៃគណបក្សកាន់អំណាចរបស់លោក៕