អ៊ីស្រាអែល បានពង្រីកការជម្លៀសសហគមន៍ជាថ្មីម្តងទៀត នៅតាមបណ្តោយព្រំដែនភាគខាងជើងជាមួយប្រទេសលីបង់ ចំពេលមានការប្រយុទ្ធគ្នាកាន់តែខ្លាំងជាមួយក្រុមហេសបូឡា ក្នុងប្រទេសជិតខាង។

ក្រសួងការពារជាតិអ៊ីស្រាអែល បាននិយាយកាលពីថ្ងៃអាទិត្យថា ការជម្លៀសរួមមានសហគមន៍សរុបចំនួន ១៤ដែលប្រជាជនរបស់ពួកគេ នឹងត្រូវបាននាំយកទៅនៅផ្ទះសំណាក់ ដែលផ្តល់មូលនិធិដោយរដ្ឋ។

អ៊ីស្រាអែល បានធ្វើសង្រ្គាមប្រឆាំងនឹងក្រុមហាម៉ាសនៅក្នុងតំបន់ហ្គាហ្សារបស់ប៉ាឡេស្ទីន ដែលត្រូវបានបិទ ចាប់តាំងពីថ្ងៃទី៧ តុលាមកម្ល៉េះ ដែលពេលដែលក្រុមសកម្មប្រយុទ្ធ បានធ្វើការវាយប្រហារដ៏គួរឲ្យភ្ញាក់ផ្អើលមួយ ដែលបានសម្លាប់មនុស្សប្រហែល ១.៤០០នាក់។

ចំពេលមានសង្គ្រាមនៅភាគខាងត្បូងអ៊ីស្រាអែល ក្រុមហេសបូឡាដែលមានមូលដ្ឋាននៅលីបង់គាំទ្រដោយអ៊ីរ៉ង់ និងលីបង់ បាននិងកំពុងប្រយុទ្ធជាមួយយោធាអ៊ីស្រាអែលនៅភាគខាងជើងកាន់តែខ្លាំងឡើង ដោយធ្វើឲ្យមានការព្រួយបារម្ភនៅក្នុងទីក្រុងវ៉ាស៊ីនតោន និងកន្លែងផ្សេងទៀតនៃជម្លោះ ដែលរីករាលនៅមជ្ឈិមបូព៌ា។