ភ្នំពេញ ៖ នាព្រឹកថ្ងៃទី២៥ ខែតុលា ឆ្នាំ២០២៣នេះ រដ្ឋបាលខណ្ឌចំការមន ដោយមានការចូលរួមពីកម្លាំងអាជ្ញាធរចម្រុះ លោកគ្រូ អ្នក គ្រូ , និងប្អូនៗជាសិស្សានុសិស្ស ក៏ដូចជាក្រុមយុវជនស្ម័គ្រចិត្ត កាកបាទក្រហមកម្ពុជា ក្រុមយុវជនកាយិរិទ្ធិ, ផ្សារ ទាំង ០២, បុគ្គលិកក្រុម ហ៊ុន ស៉ីន ទ្រី ,  សន្តិសុខកោះពេជ្រ និងមន្ត្រី ពាក់ព័ន្ធ សរុប ប្រមាណ ២២៨នាក់ បានរៀបចំទិវាទេសចរណ៍ពិភពលោក លេីក ទី៤៣ ឆ្នាំ២០២៣ ក្រោមប្រធានបទ « ទេសចរណ៍ និងការវិនយោគបៃតង » ។ 

លោក កៀង ល័ក្ស អភិបាលខណ្ឌចំការមន បានដឹងនូវសារលិខិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លើប្រធានបទ « ទេសចរណ៍ និងការវិនិយោគបៃតង » ដែលសុទ្ធសឹងជាអនុសាសន៍ដល់ខ្ពង់ខ្ពស់ និងផ្តល់នូវអត្ថន័យដ៏ជ្រាលជ្រៅ ជូនដល់ប្រជាពលរដ្ឋក្នុងប្រទេសជាតិទាំងមូល លើការបន្តកែប្រែមុខមាត់ប្រទេស ឈានទៅរកការអភិវឌ្ឍន៍ផ្នែកទេសចរណ៍ជាតិ ឱ្យកាន់តែខ្លាំងក្លា និងកើនឡើងជាលំដាប់ ។ 

លោកអភិបាល បានបន្តថា ទិវាទេសចរណ៍ពិភពលោកនេះ គឺយុទ្ធនាការសំខាន់សម្រាប់អាជ្ញាធររដ្ឋបាលថ្នាក់ក្រោមជាតិ ដែលមានកាតព្វកិច្ចត្រូវចុះសម្អាតបរិស្ថានអនាម័យក្នុងសង្គមឱ្យបានល្អប្រសើរ ប្រកបដោយសោភ័ណ្ឌភាព ដើម្បីប្រែក្លាយមុខមាត់ប្រទេសជាតិ ឱ្យក្លាយទៅជាទីក្រុងបៃតង ។ 

ប្អូនៗ ជាក្រុមយុវជនស្ម័គ្រចិត្ត ក៏បានបង្ហាញអារម្មណ៍រីករាយពេលបានចូលរួមជាមួយក្រុមអាជ្ញាធរ ក្នុងសកម្មភាព រួមគ្នាសម្អាតបរិស្ថានអនាម័យសង្គមជាតិ ដោយពួកគាត់បានលើកឡើងថា ការសម្អាតបរិស្ថាន គឺត្រូវផ្តើមចេញពីការចូលរួមពីពលរដ្ឋគ្រប់ៗគ្នា និងគ្រប់ស្រទាប់វណ្ណះ មិនអាចត្រូវពឹងផ្អែកតែលើក្រុមអាជ្ញាធរចុះរៀបចំតែមួយមុខ គឺមិនគ្រប់គ្រាន់ឡើយ។

សូមបញ្ជាក់ថា ក្នុងយុទ្ធនាការរៀបចំទិវាទេសចរណ៍ពិភពលោក រដ្ឋបាលខណ្ឌបានចែកចេញជា ០៣ក្រុម រួម មាន ៖  ក្រុមទី១ ខាង ក្នុង ទីក្រុងកោះពេជ្រ តាមមាត់ទន្លបាសាក់ សង្កាត់ ទន្លេបាសាក់។ ក្រុមទី២ តាមបណ្តោយផ្លូវសប៊ិត សង្កាត់ទន្លេបាសាក់។ និងក្រុមទី៣ នៅតាមបណ្តោយមុខរដ្ឋសភា សង្កាត់ ទន្លេបាសាក់។ ចំពោះបរិមាណ សំរាម រឹងដែលរេីសបានសរុបចំនួន ប្រមាណ ១២៤គីឡូក្រាម  ធៀប ឆ្នាំ មុន បរិមាបរិមាណសំរាមដែលរេីសបានតិចជាងឆ្នាំមុន៕ អត្ថបទ៖ កុម្ភៈ